عادة مريض الكبد المتقدم يعانى من فتق سرى …مع وجود الاستسقاء بالبطن….مشكلة كبيرة جدا ….الحالات دى من أصعب العمليات ليس فنيا ولكن لظروف المريض صحيا ….
هناك خطورة شديدة من حدوث مضاعفات فى هذا الفتق ذى اى فتق …ممكن يكون فى فتق غير مرتجع …يعنى الامعاء تتزنق فى الفتق وتعمل نوع من الانسداد المعوى ….وممكن يحصل غرغرينا فى الامعاء ومحتاج نعمل استئصال لجزء من الامعاء …..والمصيبة الكبيرة …ان يحدث ثقب فى الجلد….والمريض يلاقى نفسه غرقان مياة من البطن …ما هو فى استسقاء ….والجلد حصل فيه غرغرينا……ودى حكاية مستر جمال امس ….معلم اللغة الانجليزية ….وال حكى لى ان الزملاء من الباطنة ….كل مرة يروح لهم ….ردهم اوعى تعمل العملية ….اوعى تحط مشرط ….لو عملت العملية ح تموت ….بس فات عليهم ان استاذ جمال ممكن يتعرض لمضاعفات فى الفتق ….وده حصل بالفعل امس ….والمريض داخ امس من اللف على المستشفيات الحكومية ….وهو غرقان فى المياة ….علشان …بأكتب واقول …..ال عنده فتق سرى ….لازم يعمله…….وبالنسبة لمريض فتق سرى وهو يعانى من الكبد ….ده يعمله فورا ….بس ناخد بالنا من شوية حاجات مهمة .
الحالات دى محتاجة استاذ سينيور جراحة ….ولازم يتحضر المريض كويس جدا ….يتجهز صفائح دموية على الاقل ٢٤ وحدة ….ويجهز بلازما على الاقل ١٢ وحدة ويتجهز البومين بشرى على الاقل ١٢ ياخد قبل الجراحة ٣…..وبعدين نكمل بعد الجراحة ….ناخد بالنا الأبناء الجراحين من وجود دوالى فى الفتق ….ودى دوالى مزعجة جدا …ممكن تنزف منك …والمريض يموت على الطربيزة……أيضا تخدير هذه الحالات لازم استاذ سينيور تخدير ……لان ممكن جدا المريض يدخل فى غيبوبة كبد …..بعد التخدير ….ناخد بالنا ….الحالات دى لها أدوية معينة فى التخدير …..وتبقى المشكلة الكبيرة …..التكاليف …..علشان المريض يعدى كويس ….التكلفة عالية جدا جدا ….وللأسف….بيكون الحالات ناس غلابة جدا …..اناشد زملاءى فى الباطنة …بلاش تقول للمريض اوعى تعمل العملية ….بلاش ……سعاتك ….قول له أعرض نفسك على جراح كبير ….وسيب الباقى على ربنا ……………
الصفائح والبلازما والالبيومين …..طبعا اسعارهم غالية جدا ….والناس حالهم تحت مستوى الفقر …..وتبقى رحمة ربنا ….وقلوب الأطباء الرحيمة …..واهتمام الزملاء فى التأمين الصحى بتقدير هذه الحالات.
