المرض بالسرطان ابتلاء وحدث جلل فى حياة المريض واسرته …ولانى عملى فى مجال جراحة الأورام….ارصد وارى واسمع قصص كارثية من اهل المريض ….اسرة كاملة فى اكتئاب شديد وحزن ودوخة على الدكاترة ….ويبكون ليل نهار على الأم المريض….سا سادة الم السرطان عنيف جدا جدا ….يا دوبك حقن المخدرات …المورفين والنالوفين والبثيدين …..يادوب الألم يهدى ….ليعود له من جديد بعد نهاية المسكن …..يا سادة احنا فى مصيبة كبيرة جدا ….عندى مرضى سرطان اكثر من شخص فى بيت واحد …..يا سادة ان اعرف ناس باعت عفش بيتها علشان علاج مريض سرطان …..يا سادة انا مندهش جدا جدا .
فى الخارج …هذة الحالات بيتم دخولها فى مكان مخصص للحالات المتقدمة من اورام السرطان …..الدولة تتكفل بكل شىء …..مكان مخصص به جنينة كبيرة وشجر وخضرة …وهدوء رهيب ….ينزل فيه المريض …وتتولى ادارة المكان رعايتة كاملة ….من إقامة واكل وشرب ومسكنات وعلاج روحى بمعرفة رجال الدين …يجلسون معه بالساعات كاملة …المريض يصل الى النهاية ….هو عارف انه خلاص …بس يتجهز …نفسيا وروحانيا ….ينسى اسرته خالص ….الدولة تشرف عليه وتوفر للاسرة كل طلبات الحياة .
احنا فين …احنا بعيد قوى …الاهالى تقعد تلف على حقنة المسكن المخدر وتشتريها سوق سوداء …..وحكايات …وقصص فى الموضوع ده ….زوجة المريض….بتشوف المر والسواد علشان تجيب له المخدر وتتعرض للتحرش ….نعم …للتحرش احيانا ….نعم يصرف لهم مخدر شهرى لكن لا يكفى .
الاكتئاب شعار البيت ….والهلال الأحمر كان زمان لهم دور ….للاسف مشغولين فى قضايا ثانية ….الصحة فى وادى ثانى ….مش فاضيين ……الاسرة تواجه ….وتعانى المر ….حتى يتوفى المريض ….وتبقى الديون ….تسددها الاسرة لسنوات طويلة ….حرام …حرام …..لابد من تشريع قوانيين تعطى مريض السرطان أولوية كاملة فى العلاج …..موضوع القرار الوزارى ده مش نافع…..والتأمين مزلة وهوان….. ولله الامر …….يا سادة ….نشوف المريض ده بتعالج ازاى …واسرته واجبها ايه ونعمل ذيهم .
ورسالتنا إلى المسؤولين:
انتبهوا إلى هؤلاء المرضى…
فوراء كل مريض سرطان أسرة كاملة تتألم.السرطان…مرض اسرة كاملة وليس شخص واحد .
الاماكن دى فى الخارج اسمها …Hospices care.
انجلترا فيها اكثر من ٢٠٠ مكان علاجى للحالات المتأخرة.
ويوقع المريض انه يرغب ان يموت هناك وليس فى منزله …وتتكفل به الدولة …بكل شىء .
ا د / علاء خليل.
استاذ سينيور جراحة الأورام بالزقازيق
التعليقات