رن تليفونى بدرى اليوم ….بصيت على الشاشة مكتوب دكتور / ………..واسم.
رديت وانا كنت نايم متأخر ….الو ….رد على صوت شاب ….مين حضرتك ….قال لى انا أسمى………..ثانية كلية الطب ….طالب يعنى …قال لى اه …..اهلا وسهلا….بس مكتوب على الشاشة دكتور /………قال لى اه. . ..انا ….بس مش بدرى قوى حكاية دكتور دى ….قال لى …انا فى ثانية …وكلها ٣ سنيين واكون دكتور …..قلت له …بعد ٣ سنيين على خير ح تكون طبيب ….لكن دكتور دى محتاجة مشوار طويل فى المذاكرة ….محتاجة ايه يعنى ….لازم تذاكر ماجستير ودكتوراه….وبعد ما تاخد الدكتوراة ….تحصل على لقب دكتور …..قال لى ياه …محدش فهمنى كده …قلت له …هى كده ….كل الحوار ده …وانا لسه بحاول افوق ….المهم يا حضرات ….قلت له ..خير ….انت كنت عايز حاجة ….قال لى اه …كنت عايز اسأل حضرتك عن الشرخ الشرجى …..مين ال عنده شرخ شرجى ….قال لى أخوى….الف سلامة عليه …انا سؤالي …ممكن نعمل له العملية بدون جرح …قلت له ممكن ….بس أسألك سؤال….انت عارف يعنى ايه شرخ شرجى ….قال لى …بصيت على النت كده ….حاولت أفهمه الموضوع ….قال لى الدرس ده فى موديول ايه ….وسنة كام….قلت له….الحقيقة مش عارف ….مش امامى خريطة بالموديوليز…..قالت له فى كتاب الجراحة ….احنا مش عندنا كتب ….فى موديوليز ………بعد حوار ….قال لى طيب ايه رأيك فى الموديولز…..بص يا دكتور …../ مش حضرتك قلت مش دكتور ….يا ابنى علشان خاطرى عايز انام ….
عدى على وانا ح اشرح كل حاجة …….تحياتي…..وبعد اذنك اكمل نومى …
.الحقيقة حسيت ان الشاب ده وجيله ح يواجه مشكلة كبيرة فى المستقبل لعدم وجود كتب كبيرة فى مكتبه وشغله ….كتب لها مرجعية علمية ….والنتائج ح تكون صادمة .
ا د / علاء خليل
استاذ سينيور جراحة الأورام
بالزقازيق.
