أبدى الفنان أحمد عيد انزعاجه من انتشار تصريحات له تعود إلى خمسة أعوام، على مواقع التواصل الإجتماعي، تحت عنوان “محديش عايز يشغلني معاه”.
وكتب عيد منشورا، عبر حسابه على فيسبوك، قائلًا: “أنا مش بحب أعلق على الحاجات اللي من النوع دا بس عشان بشوف البوست دا كتير.. أولاً الكلام دا من 5 سنين في عرض فيلم “ياباني أصلي” وكان رد علي سؤال أنت غايب ليه؟ ومبنشوفكش كتير، فكان ردي في سياق معين والجملة مش كاملة ومش مقصود بيها التأكيد إن محدش بيشغلني لأنها مينفعش تتقال بالشكل ده”.
وأضاف: “غير كدا إن أنا في الحقيقة مبشتغلش أي حاجة، ومش فارق معايا تواجدي بشكل دائم عمال على بطال، أنا هشتغل الحاجات اللي أنا مقتنع بيها وشايفها مناسبة ليا.. معلش أنا بس حبيت أقول الكلمتين دول وليلتكم سعيدة ويارب منشوفش البوست ده تاني”.
يذكر أن آخر أعمال الفنان احمد عيد مشاركته في بطولة الجزء الثاني من المسلسل السعودي “اختراق”، ومشاركته في بطولة فيلم “أهل الكهف” مع نخبة كبيرة من الفنانين من بينهم خالد النبوي ومحمد ممدوح وغادة عادل ومحمود حميدة، تأليف أيمن بهجت قمر، وإخراج عمرو عرفة، ولم يتم طرحة بدور العرض بعد.