المريض المصرى داخل المستشفيات الجامعية عايز دراسات كثيرة على شخصيته اجتماعية ونفسية وسلوكية وغيرها المريض يرفض تماما يلبس ملابس المستشفي…..يقعد على السرير بهدومه…لدرجة تدخل المكان مش عارف مين المريض من الناس دى ….داخل المستشفي يشرب سجاير طول النهار …..داخل المستشفي عايز اهله كلهم جنبه …تدخل تلاقى ١٥ واحد قاعدين جنبه ….دخلوا ازاى وطلعوا هنا ازاى …دى قصة طويلة ….داخل المستشفي المريض ماسك الموبيل ونازل رغى طول النهار ….ساعات تدخل تمر تلاقى المريض ماسك الموبيل بيتكلم ويقولك لامؤاخذه يا بيه بأكلم مراتى…..داخل المستشفي تلاقيه حاطط جنبه اكل وشرب وحلل وحكايات ….جت ازاى ….دى قصة طويلة …..داخل المستشفي تلاقى مناديل مرمية على الأرض جنب السرير وهو عامل نفسه مش شايف …..داخل المستشفي تلاقيه جايب راديو وفاتح القرأن ….والمكان كله يسمع ……تبص على سريره تلاقى ملايات اشكال والوان ….وبطانيات اشكال والوان ….وحاطط الفوطة على المخدة ليه مش فاهم ….حاجة تجنن ….والله العظيم…..محتاجين نعمل رسائل دكتوراه وماجستير على سلوكيات المريض المصرى فى القطاع الحكومى ….داخل المستشفي…..الممرضة تقول له نفذ التعليمات….يطلع فيها طلعة سوداء ….الممرضات صوتهم اتنبح …مافيش فايدة .
اشياء غير قابلة للتغير ….عايزة مدير مستشفى شرس جدا جدا …بس ممكن تجئء له جلطة من كثرة المناهدة…..عايزة رئيسة تمريض اجنبية ….تظبط الكلام ده ….والمشكلة يا سادة ان هذا المسلسل ….مستمر ….وغير قابل للتغير ….ثقافة شعب …ثقافة متنيلة بستين نيلة …..ولا أمل فى تغير السلوكيات دى …..لكن الغريب فى الموضوع ….بتوع الجودة دول ….والاعتماد ….مش شايفين ده ….هما كمان عايزين نعمل دراسة عليهم .