طلبنى صديق غالى على جدا مقيم فى مركز من مراكز الشرقية …قرية كبيرة …..جنب المركز …له بيت كبير
زعلان خالص وبيقول لى هى الفلوس ح تخلى الناس تنسى نفسها ومتعصب وغضبان….حاولت اهدى ….وطلبت منه اسمع ايه الحكاية ….قال لى عبدالله ابنى …عارفه طبعا ..قلت اه عارفه ..ربنا يبارك فيه …هو خلص طب اسنان ولا لسه …قال لى فى اخر سنة فى الفيوتشر …تمام …كويس قوى …قال لى سيدى …أعجب بزميله له …فى الكلية …ولما سألنا عليها طلع ابوها …نعرفه …هو من قرية جنبنا وابوه وامه لسه فى البلد فى بيتهم القديم ….وابو العروسة ده كان معاى فى المدرسة …فى البلد …وبعدان دخل كلية الطب …خلص …واجوز …هنا فى القرية …واحدة من عندنا من البلد …وبعد كام سنة كده سافر السعودية …ماشى …هو بقى فى السعودية دلوقتى ….المهم ….روحت إلى ابوه …اكلمه …عرفت انه فى الغيط …قلت اروح له الغيط …اه …نبقى لوحدنا …كلمته …على ابنه …اخباره وعامل ايه….قال لى فى السعودية …ماشى …معاك الرقم …قال معاى …اتفضل …خير …انت عايز منه حاجة …مش معاه فلوس …حط كل فلوسه فى الفيلا….بصيت للراجل …وقلت له فلوس ايه …انا معاى فلوس توزنك انت وابنك ….المهم ….اخدت الرقم …وطلبت الدكتور فى السعودية ….زميلكم يا د علاء …ماشى …مين …اسمه ايه …قال لى مش ده المهم ….ماشى …اتكلمت معاه حاولت افكره بنفسى ….ينكر انه يعرفنى …قال ايه مش فاكر …قلت له….إن ابنى معجب ب بنتك ..فلانه …واحنا حابين نتقدم لكم ….قال له .. اهلا وسهلا …انا نازل مصر اخر الشهر ….وتقدر تشرف فى الفيلا فى التجمع الخامس ….وح ابعت لك العنوان ….قال له …انا مش دارس التجمع ده خالص …ممكن نتقابل عند ابوك فى البلد …اه بالمرة تزور والدك وامك …قال له …انا ما نزلتش البلد من عشر سنوات …واولادى ما يعرفوش البلد دى خالص ….هما هنا فى التجمع من فترة طويلة …قال له …انت ح تجىء على باب الكمبوند وتسيب بطاقتك …والامن ح يدخلك ليه ….قال له ماشى …وبعدان …ايه ال حصل ….ال حصل انى حلفت على ابنى …إن الجوازة دى ما ح تمشى ….ليه بس …ما انت شايف اه …دكتور واستاذ ونسى اهله وتكبر عليهم ….يعنى ما عندوش اصل …..فيلا ايه ال اروحها ….ده ابوه لسه ماشى بالجلبية مقطعة …نسى أصله ولا ايه ….حاولت اهدى فيه ….غضبان جدا ….وقال …عمر الفلوس ما تغير الناس الأصيلة….قال فيلا قال ….طيب …حاضر ….اهدى بس …وبعدان تقول لى على اسمه ….ونا احاول اكلمه …يقابلك فى البد ….قال لى …خلاص يا د علاء ….انا قرفت منه …وابنى غلطان ….ومش موافق على الجوازة دى ….طلبت منه نتكلم ثانى لما يهدى ………
ايه رأى حضراتكم فى الموضوع ده ….وفيلا التجمع…..وتغير الأوضاع…..ونسيان الماضى ….وعدم الاعتراف بيه …..وتأثير ده على ولادنا…….
على فكرة …صاحبى ده دكتور صيدلى كبير وغنى جدا .
صباح الخيرات
ا د / علاء خليل
استاذ سينيور
جراحة الأورام بالزقازيق.
