“ا د / علاء خليل ” جبر الخواطر ومراعاة المشاعر

جبر الخواطر خلق إسلامي عظيم يدل على سمو نفس وعظمة قلب وسلامة صدر ورجاحة عقل، يجبر المسلم فيه نفوساً كسرت وقلوباً فطرت وأجساماً أرهقت وأشخاص أرواح أحبابهم أزهقت.

قابلته وانا نازل من عيادتى على جنب من الشارع …قاعد وماسك فى ايده شنطة بلاستيك قديمة كلها اشعات …أما مقطعية او رنين…شكلها كده …الأهم لاقيته نازل لطم على رأسه ومعاه سيدة جنبه مش عارف هية مين …بصراحة …قلبى وجعني جدا ….قربت منه …خير يا حاج فى ايه …مالك….بتلطم ليه ….قال لى سيبنى فى حالى يا استاذ ….لا والله …اسيبك ازاى وانت فى الحالة دى …السواق معاى قال له …ده د علاء ….استاذ جراحة ….لامؤاخذه يا بيه …قلت له …اهدى كده واحكى لى الحكاية ….اسمك ايه ….ابو شحته يا بيه …..ربنا يبارك فى شحتة وابوه ….والحاجة مين …اختى يا بيه ….اهلا وسهلا ….انتو منين ….بلد جنب الزقازيق …..تمام ….ايه ال مزعلك ….مزعلني ايه يا بيه ….انى ح اطق اموت احسن …انت بتشتغل ايه ….ح اكون ايه يا بيه ….موظف …فى مدرسة ….عامل يا بيه …الصبح …وبعد الظهر ….الف ابيع ربابة……وربنا بيرزقنى من الربابة احسن من المرتب …وماشية يا بيه ….طيب انت بتلطم ليه ….ح تسمعني يا بيه ….اكيد اه…..قال لى …يا بيه …انا عندى تعب فى البطن …وروحت للدكاترة …لفيت لما قلت بس …كل دكتور ….يقول لى أشعة وتحاليل ….ومش عايز يسمع منى خالص ….شوف يا بيه كل دى تحاليل واشعات ….طيب عندك تأمين صحى …..عندى يا بيه …طيب ممكن اشوف الورق بتاعك ده ….طلع عنده حاجة بسيطة خالص ….حصوة فى المرارة … وفى وحمة فى الكبد …بعيدة عن المرارة .موضوع بسيط ….طيب دى حاجة سهلة يا ابو شحته….انا ح اساعدك ….وابعتك الجامعة تعمل العملية عندنا …..انت معاك تأمين …..قال لى اه ….انا عايز اعمل العملية بالليزر ….وهما فى التأمين….قالوا ليه . …بالمنظار …..وانى مش عايز منظار …..عايز ليزر يا بيه …وانت عرفت الليزر منيين ….الود شحته ابنى …دخل على النت ….وشاف …وقال لى .. يا ابه….لازم نعمل العملية بالليزر…والدكاترة …مش راضية تعمل لى العملية بالليزر ….اروح فين يا بيه ….وانت بتلطم علشان كده ….اه يا بيه …طولت بالى ….عليه …هو الود ابنك شحته ده ….بيدرس ايه ….معاه اعدادية يا بيه ….طيب يوم السبت تقابلنى فى الجامعة ….فى قسم الجراحة ….وان شاء الله نشوف موضوع الليزر ده ….قوم بقى روح بلدكم….وهات معاك الود شحته علشان انا عايز اتكلم معاه ….ريحت قلبى يا بيه ….ربنا يكرمك ….وقام روح وهو مبسوط خالص … علشان كده ….نفسى الزملاء ….ماحدش يقول لمريض ح اعملك المرارة بالليزر ……العدوى تفشت فى البلد …و وصلت ابو شحته .