مبسوط جدا من جامعات الصعيد واساتذة الصعيد المحترمين جدا . والطييبين والعشريين …عدد الأبناء مدرسين مساعدين ومدرسين المسافرين فى رحلات علمية وتدريب جراحى فى كبرى مستشفيات أوربا بسم الله ما شاء الله….زاد جدا ..جدا ..عندهم ..والولاد منهم ناس رجعت …بخبرات عالية ومهارات جراحية واجتماعية وعلمية…تلاقى الولد واثق من نفسه ….ويقول محاضرة ممتاذة….لانه تدرب على كده …وقف أمام الشيف البروفيسور يعنى الريس عندهم النمساوى واليابانى والكوري ….تعلم وبقى خبير كبير فى أساتذة فى ظهرهم….تشجعهم وتاخد بيدهم ….تفتح لهم أبواب التدريب بره ….بس الأهم…..الأبناء عندهم استعداد كبير للتعلم والسفر .
للأسف….ايوه….للأسف…..ولادنا هنا حاولت مرارا وتكرارا…..اتكلم معاهم ….يلا يا ولاد ….اكلم لكم صديق من اصدقاءى بره مصر وتسافروا …..يقولك العيادة ….والفلوس …..وانا ح اعمل ايه بالعلم كارثة ومصيبه كبيرة ………وانا اناشد ….إن اى مدرس مساعد يسافر دولة اجنبية ويتعلم يكون له نقاط فى الترقية اضافية ….مش معقول نساوي دكتور سافر كوريا واتعلم ورجع بواحد قاعد يشتغل بواسير بالليزر ….وفرحان بنفسه……انتبهوا يا سادة …..الرحلات العلمية للخارج فى الدول المتقدمة هامة جدا …..للشباب……ولادنا أمانة فى رقبتنا .
ا د / علاء خليل
استاذ سينيور جراحة الأورام بالزقازيق
والمهموم بالوطن
