تشتكى سيدة مرافقة لمريضة ( مسنة داخلة على الثمانين ) من العمر ….زارتنى بعيادتى امس … وللأسف بعد الكشف تبين ان الحاجة الكبيرة تعانى من ورم خبيث بالثدى ….وعلى كده من سنة كاملة …كانت فاكرة حتة كده وح تروح ….ولما عاتبت المرافقة …قالت كانت ماما ….عرفت بها وقتها انها بنتها …..عايشة فى بيتها ومرات أخوى بتخدمها ….واحنا رايحين جايين عليها …ماما….لما كبرت بقت تشتم مرات أخوى….والثانية اهملت فيها جدا ….على قول المرافقة …..وبعدان ….بعدين ….ماما سابت بيتها ….وجت عندى فى بيتى …..انا من اقوم بخدمتها الان مع ولادى وجوزى ….وسألت ….طيب موقف ابنها ايه ….قالت …وقف مع مراته يدافع عنها ..واخد موقف منا ..طيب بعد العملية …ماما ح تكون محتاجة رعاية ….ربنا معانا بقى …هيه ح تفضل عندى لحد ما ربنا يفتكرها …..ال يزعل يا دكتور …..إن ماما ساعات تقول لى عايزة اموت فى بيتى ……واحنا مش ح نقدر نرجعها ثانى ….علشان مرات ابنها ….بتقول كانت زمان بتخدمها بس دلوقتى … وبعد مرض ماما ….حلفت ما هى عاملة لها حاجة …..ولا…عايزة تشوفها……هما فى بيت عائلة.كان بالصدفة معاى دكتور صاحبى جه يزورنى . عايش فى انجلترا من فترة طويلة ….سمع الحدوتة دى …استغرب جدا …وقال ايه ده …احنا ما عندناش فى ال UK…يعنى انجلترا حد من الأهل يخدم حد …ما حدش فاضى للكلام ده ….اتصل حضرتك بمكتب دعم الأسرة….واطلب جليسة لها …بتاخد بالساعة ….هيه تقوم بالدور ده …مبلغ كبير اه …بس ده شغلها …..ابنه المريضة …ردت عليه ….وقالت …يا عيب الشوم ….انا اجيب واحدة غريبة تشوف امى ….عيب يا دكتور ….دى مش تربيتنا ….ولا أخلاقنا…..وخناقة كبيرة .
السؤال.من أحق برعاية هذه المريضة المسنة وهى تعانى الان من ورم خبيث ..بالاضافة الى أمراض أخرى. خاصة هذه الفترة ..محتاجة فحوص واشعات وح يشيلها وينزلها ….وجلسات علاج كيماوى واشعاعى…..وجرح وغيارات ….والابنة ذى ما عرفت ….مشغولة جدا .الابنة ام مرات الابن……فى غياب كل من حولها .السادة علماء الاجتماع والسلوك النفسى والدين ….الرأى.
” ا.د علاء خليل “
استاذ جراحة الاورام بطب الزقازيق.
القومية….بجوار الهايبر ومركز جاويش الطبي.
٠٥٥/٢٣١٥٤٦٠
