وجانى اليوم
وشفتك ماشيه في جنازتي
وانا شايفك
وانا عارفك
وشايفك ناسيه ايامنا
وراميه وراكي احلامنا
وناسيه لما كنا اتنين
بنتنفس هوا واحد
وناسيه لما كنا روحين
بيجمعنا امل واحد
ودلوقتي
لقيتك واقفه مش باكيه
ودوستي بفرحه على عمري
مافيش حتة امل باقيه
وجاني اليوم
وشفتك بايعه ومفارقه
ولا قلبك شفع لي ف يوم
ولا دمعة الم فارقه
وناسياني
كاني كنت ليكي مافيش
وانادي عليكي بعيوني،،،،ولاترديش
ولما راحت الذكرى
عرفت انك امل خداع
وقلبك كان بيخدع قلب
عمره ماكان ف يوم بياع
سيبيني خلاص
اغيب عنك بدون سلامات
خلاص قلبي بكى وفارق
خلاص قلبي
ف حبك ،،،مات
الشاعر الكبير
“منصور حموده “