كنت كل رمضان اكلف شخص يجهز وجبات افطار للمرافقين للمرضى فى الوحدة عندنا …ومرة من المرات كان بالصدفة نائب الوحدة فى الوقت ده د بولا ناجى ….قبطى…يعنى.
اتصلت عليه فى الوحدة وشرحت له الموضوع وقلت له فى شخص ح يجيب لك وجبات من مطعم كذا ….قبل الفطار على طول….من فضلك وزعها على المرافقين فى الوحدة ولو فاض حاجة أدى البنات يعنى ممرضات الوحدة …شوفوا بقى حضراتكم اخلاق ابنى الغالى / د بولا ناجى ….والله ده حصل …قال لى يا د علاء تسمح لى انا ح اروح قبل الفطار استلم الوجبات واطلع بيها على المستشفى اوزعها بنفسى على الناس ….ليه كده يا د بولا….ده تعب عليك ومصاريف تاكسى رايح جاى ….رد على وقال….انا عايز اخد ثواب …واشارك مع حضرتك….من فضلك ادينى فرصة ….يا الله على جمالك يا بولا ….فاكر الحكاية ذى امبارح ….ويروح د بولا كل يوم طول الشهر المطعم يتسلم الوجبات ويطلع على الوحدة يوزعها ….تربية وأخلاق……وسلام وتسامح وكل حاجة حلوة شوفتها من بولا ناجى وقتها ….هو كبر دلوقتى وبقى مدرس مساعد واجوز وخلف بنوته جميلة ….ح تطلع أخلاقها حلوة ذى ابوها ….فى السنة ال بعدها ….كلفت مدير العيادة …يجهز الوجبات بنفس النظام …وقال لى وقتها يا د علاء .. بلاش مطاعم …انا ح اخلى الجماعة فى البيت تتولى الموضوع علشان يبقى اكل بيتى ونعمل لهم كمان كنافة وقطايف ….وعملنا كده طول الشهر ….كانت الوجبة معاها عصير……وهنا لابد أن أشير واشكر اصدقاءى الناس الجميلة ال شاركت معانا ماديا فى هذا الموضوع لانه مكلف …..شهر كامل كنا بنحضر تقريبا من ٣٠ إلى ٣٥ وجبة ….ويروح مدير العيادة ومعاها ابنه مشكورا قبل الفطار على طول يوزع الوجبات فى الوحدة …بحب شديد وطاعة لله …..وساعات المغرب يأذن عليه فى الطريق …يا الله…..ناس بتحب الخير ….ناس جميلة .
بافكر بقى السنة دى ….اكمل المشوار ده……واعمل نفس الوجبات للمرافقين بالوحدة ….وربنا ح يعين أن شاء الله واى حد من اصدقاءى…..اهل الخير عايزين يشاركوا معاى …اهلا وسهلا .. يتواصلو معاى بعد اذنكم عن طريق ابو كريم و الاستاذ ايهاب ….سكرتير العيادة …. هو ح يكون مسؤل عن هذا الموضوع وتنفيذ ه.
رقم تليفون استاذ ايهاب.
+201284462803
ابو كريم …..01285453070
ا د / علاء خليلاستاذ سينيور جراحة الأورام
بالزقازيق
