قلت واكرر ثانى …الناس تاخد بالها وتركز .
الغدة الدرقية فى الرقبة ….لاحظت انها كبيرة ….حسيت …حد قالك ….شوفتها…..المهم كبيرة .
الغدة دى فصين …فص على اليمين وفص على الشمال ….
ساعات تحس ان فى حاجة كبيرة واضحة على الناحية اليمين …ممكن…..وايضا ساعات تحس تضخم فى الفص الشمال ….وساعات فى النصف بالظبط ….مافيش حاجة اسمها تسكت ….ومش عاملة حاجة ….تطلع تجرى تعمل سونار على الغدة الدرقية عند مركز اشعة كويس ….ح نبص فى السونار على ايه:
١- هل فى تضخم فى حجم الغدة كلها ولا ….لا.
٢- فى فصوص ال اسمها …nodules….فى الناحية اليمين ولا الشمال…..واحد ولا أكثر…..الحجم ايه ….المواصفات ايه ….فى تكيس كالسيوم ولا لا……ماكرو….ولا….ميكروا….
٢- هل الفصوص دى فى علامات مرض خبيث ولا….لا….
٣- هل فى غدد ليمفاوية …..ولا….لا…..وهل هيه تحمل ثانويات مرض خبيث ولا…..لا……فى شك ….ولا… لا…..
بعد كده …..ح تاخد السونار وتطلع على جراح …..نقول ثانى ….جراح الأول……ح يشوف ويفحص ….لو شك فى ورم خبيث ….ممكن يطلب عينة بالابرة ….من الغدة الدرقية او من الغدة الليمفاوية فى الرقبة ….وممكن لا…….
٤- ساعات نطلب أشعة مقطعية على الرقبة .
٥- العينة ممكن لا تضيف شىء …..القرار للجراح …..
٦- خد رائ ….جراح واثنين وثلاثة …..أساتذة…..افضل …
٧- ح نشيل الغدة كلها …..نعم ….لو التشخيص ورم خبيث.
٨- نشيل الغدد الليمفاوية فى الرقبة ….لازم جدا ….علشان لو نسينا واحدة ….ح يكون عندك مشكلة مع اليود المشع ….
٩- خد بالك ….أورام الغدة الدرقية الخبيثة ….لها يود مشع ….مش علاج كيماوى……مافيش علاج كيماوى لها.
١٠ – فين بقى دور الباطنة هنا ….علشان تحجز شهرين عند دكتور الباطنة غدد ….ح يعمل ايه ….الورم ح يكبر وينتشر …..وانت الخسران……قرارك مع الجراح …..
جراحين وحدة جراحة الأورام بقسم الجراحة بالزقازيق…. زملاءى وابناءئ وتلاميذى ……اشطر وأكثر خبرة ….فى جراحات الرقبة ….ومتواجدين…….واخر شياكة ….وشطارة ….ليه تروح مصر ….عندنا هنا فى الوحدة جراحين مستوى المانى ….بره ….وجوه….
ابحث عنهم …..ح تلاقيهم ……
ا د / علاء خليل….
استاذ سينيور جراحة الأورام
بالزقازيق.