أ.د / حسن العوضي
دكتور الجراحة الصغير من اول يوم له فى الشغل بيشرب المهنة والأخلاق وطريقة التعامل والتفكير …..وحسب ما يشوف من الكبار ويسمع ……ومخه يسجل الأحداث…..لو حظ الدكتور الصغير ده انه بدأ شغله فى بيئة كويسة يتعامل الجميع فيها بأدب عالى وشياكة وصدق وأمانة….حاجة كده بشواتى…..النائب ده ح يطلع عشرة على عشرة ….اتربى فى مكان عمل محترم وسط ناس راقية ….هو شاف وسمع طريقة التعامل …..ده الأساس….ماهو النائب ده عامل ذى الطفل فى الحضانة ….لو زرعته فى حضانة شيك نظيفة راقية …..لمدة عامين ….اكيد ح يطلع طفل راقى عنده شخصية ….بيفهم ……المصيبة بقى لو النائب بدا شغله فى بيئة ….ثانية ….مش تمام …ح يشوف ناس بتعلى صوتها وساعات تشتم وتعمل حاجات غريبة ….بيئة قايمة على الزمبكة وده علم …لوحده ….وطرق تعامل مع المرضى منيلة بستين نيلة …..منتظر ده يطلع ايه ….خلاص …شرب من البيئة دى …وتأسس على كده …..مهما تحاول تغيره ….خلاص فات الأوان…..بيطلع شخصية غريبة فى المجتمع …..ممكن يكون كاره نفسة ……
اذكر وانا نائب فى عام ١٩٨٥ …..بدأت نيابتى نائب للأستاذ الدكتور / حسن العوضي…..ربنا يعطى له الصحة والعافية …كان باشا من بشوات جراحين مصر فى هذا الوقت …..كان يوصل من القاهرة الصبح الساعة ٨ صباحا بالثانية ….يدخل مكتبه ويطلب من الموجودين….عايز د علاء خليل ….مستحيل كان ينادي علينا بالاسم …..كنت تقف كده تشوفه وهو بيتكلم …..تجد نفسك أمام هرم من اهرامات مصر ….طريقته مع المرضى ….طريقة مع الضيوف ……شغله فى العمليات مدرسة كبيرة جدا جدا …..كنت أقف امامة للمساعدة ..مبهور….مش مصدق ….ايه الجمال دة ….كنا نشرب المهنة منه ….قضيت النيابة فى المناخ ده …..اخدت الشياكة والأخلاق والصدق والامانة ……كنا نزوره فى البيت ….فى مصر الجديدة …..يفتح لنا الباب بنفسه ….وهو لابس البالطو الشيك المنزلى على القميص والكرافت ……باشا كبير قوى …….حكايات…..وحكايات……اتعلمنا…..اتاسسنا…….فى مدرسة كبيرة عظيمة ……للأسف…….صناعة نائب الجراحة تبدأ من الايام والشهور الأولى فى حياته.
نصيحتي لشباب النواب ….ابدا فى بيئة صالحة
ا د / علاء خليل.
استاذ سينيور
جراحة الأورام بالزقازيق