“الدكتورعلاء خليل ” تجربة اليوم تستحق الدراسة والاهتمام …. ايه ال حصل؟

كلمنى احد طلاب البكالوريوس اليوم الساعة ٧ مساءا.. قال لى يا افندم انا زعلان …خير يا حبيبي…زملاءى

فى مجموعة حضرتك فهموا كويس جدا موضوع المحاضرة…اورام الغدة الدرقية …وانا فى مجموعة ثانية…مش

مجموعة حضرتك….طلبت منه يعدى على بالعيادة….بالفعل وصل للعيادة …رحبت بيه….واخد

الواجب….وفتحت مكتبتى وطلعت له كتاب محترم …textbook of surgery…مرجع …معروف ..طلبت منه

يفتح موضوع اورام. الغدة الدرقية …اعطيت له ورق ابيض وقلم …وقلت له امامك نصف ساعة تقراء الموضوع

وتكتب ملخص فى الورق ده…وانا شغال جنبك فى شغلى….تلخص الموضوع كويس جدا….فعلا….دخل فى

المود….اشتغل كويس….كتب…لخص…..وبعد ما انتهى من الكتابة….قلت له افتح كاميرا موبيلك …وامسك

الورق ….واعتبرنى طالب واشرح الموضوع ….وانا سامع …وسجل فيديو لنفسك ….نجح الولد نجاح باهر فى

شرح الموضوع ….حفظه…..واتفرج على نفسه فى الفيديو….كان سعيد جدا …قال لى معقول…..انا فهمت

الموضوع من الكتاب الكبير ده بسرعة شديدة….الله…..ممكن حضرتك اخد الكتاب ده….مرجع جراحى

كبير….اتفضل…….يا ريت نذاكر من مراجع ذى دى…..بجد…متشكر جدا جدا…..وخرج الولد مبسوط من

التجربة….غير تفكيره خالص….عن طريقة التعليم……

من اجل ذلك:

نفسى …اعمل مكتبة فى كل قسم …وابدا بقسم الجراحة تضم كتب ومراجع حديثة تكون

موجودة قريبه من ايد الولاد….بعد المحاضرة….لو حب يبص فى كتاب كبير مرجع …يبقى متاح له …ما هو

بصراحة ..مش ح يروحوا مكتبة الطالب …ما فيش عندهم وقت …الجيل ده …مختلف….ولو الاستاذ تاخر عن

المحاضرة شوية ..اه…الكتب جنبه ….يفتح ويبص بدل الكلام ….وتضيع الوقت ….وعلى فكرة….كل الناس

مستعدة تساعد وتوفر كتب من عندها ….ونعمل مكتبة جامدة….كانت زمان موجودة …للأسف….بالقسم

….بس مش عارف راحت فين ….علاقة الطالب بالكتاب لازم ترجع…..نعود ولادنا يحبوا

الكتاب….المرجع….الكبير….مش المذكرات…..