وجه مرتضي منصور رئيس نادي الزمالك، الشكر للجمعية العمومية لنادي الزمالك، موضحا: ” أنا وجهت الدعوة للجمعية للى انتخبني واللى ما انتخبنيش، وكنت بقول للناس محدش ينتخبني وكانت مستغربة، لأني هفرح 4 أيام وأشيل الهم 4 سنين”.
وقال فى مداخلة هاتفية لفضائية “الحدث اليوم”: ” الزمالك نادي كبير وجماهيره فى كل دول العالم أوروبا وأمريكا وأستراليا، واللى عملته الجمعية العمومية ملحمة ولأول مرة تنجح قائمة كاملة بالكامل من عام 1911، وهذا يؤكد حرص الجمعية العمومية من دخول أى عنصر يخرب فى النادي زي ما بيخربوا دلوقتي”.
ووجه رسالة لمنافسه فى انتخابات نادي الزمالك أحمد سليمان، قائلا: ” لو عايز تعيد الانتخابات دي تاني أنا موافق وتعالي نعيدها، معنديش مشكلة والانتخابات دي مفيهاش غلطة”.
وقال: “ كان لدي معلومات أن أحمد سليمان باعت بلطجية علشان يبوظوا الانتخابات..إيه البلطجة دي”.