نفسى تطلع حملات قوية تشوف محلات الاكل فى الشرقية …فى الزقازيق وباقى المراكز….فى القرى….كل شوية واحد يفتح محل كبدة وسجق ومخ…وكباب وكفته مجهولة الهوية ….والله العظيم …محلات كده مع نفسها ….وللأسف إقبال الشباب على المحلات دى زايد جدا جدا….ومعدلات السرطان طالعة فوق قوى…مافيش بلد فى العالم …اى حد كده يفتح محل كبده وغيرها من غير ورق مظبوط ….ويكون هناك كشف دورى على جميع العاملين فى المحلات دى….ايه ده….الرقابة الصحية …هامة جدا ….مصدر اللحوم دى منين….وصالحة ولا …لا….والله ما يحدث ده كارثة غذائية….والشباب بيدفع الثمن من صحته….احنا محافظة فيها جامعة….يعنى آلاف الطلاب والطالبات….عايشين على الاكل ده….وماحدش عارف دى كبده ايه ….ولا مخ ايه …مصيبة…..اناشد كمواطن شرقاوى مهموم …..حملات قوية للضرب بيد من حديد على المحلات دى…..افحصوا العاملين…..المعامل المركزية تاخد عينات…..شوفوا الثلاجات……شوفوا المخازن…..يا جماعة الناس تشتغل ….الضمير راح….مات . الناس عايزة تجيب فلوس وخلاص …تولع بقى… ..امبارح مسكوا جبنة بالبلاستيك الخاص بالدهانات…..مافيش ضمير….الحل….اضرب…..قوم بدورك……فتش….اشتغل..
..الشباب فى خطر جدا من الاكل ده.
الراجل يبدأ بكشك كبده…..شهرين….مطعم كبير…….سنة…. ٣ مطاعم….هل ده منطقى……مكسب ايه ده يا أساتذة…..
الرقابة فين …..
ا د / علاء خليل….استاذ جراحة الأورام.