الأشخاص أصحاب او الشغالين على التوكتوك …رأيت امامى الان تحت العيادة …شخص بيقول لسائق توكتوك امشى بالراحة نزل ذى التور الهايج …نزل وماسك حديدة فى ايده ورايح يضرب الراجل علشان بيقول له امشى بالراحة ….لولا ستر ربنا والرجالة واقفين امام الهايبر كان حصل جريمة …..لما تشوف شكل الشخص تتأكد انه غبي جدا …من ملامحه …اه والله …غبي جدا …انا بصراحة انزعجت جدا من المنظر ده …أرى وبشدة فرض السيطرة على الشارع ….ويذهب التوكتوك فى ستين داهية ….وعلى فكرة انا درست وقدمت مشروع لمشكلة التوكتوك فى محافظة الشرقية ….مافيش مشكلة ان التوكتوك يشتغل ….مقترحى كما هو مكتوب …معاى ….ح نعلن على فرص عمل سائق توكتوك …ح يتقدم للوظيفة ناس من كل الأعمار….ح ناخد الناس يتعمل لهم مقابلات مع لجان يكون فيها أساتذة علم نفس واجتماع …وذكاء …ويتعمل لهم كورس ومعسكر لمدة شهرين …الشخص ح يدفع التكلفة ….ح نعمل الكلام فى الصالة المغطاة بالزقازيق …يتعلم سلوك ..وادب …ونظام …ونظافة ..وتغير سلوك ومعالجة السلوك الاجرامى والمعاد للمجتمع….فى علم الان اسمه علم الاجرام العصبى …نشتغل عليه ..ويتعمل له لبس مخصوص وبعد اجتياز الكورس ….يتسلم التوكتوك….ويبدا عمله ….ال رافض ….خلى التوكتوك جنبه ….وممنوع يشتغل عليه ……ويتحط رقم لكل توكتوك ….فى الداخل ….اى راكب يشوف الرقم ويبلغ عليه لو فى تجاوز .
لو عايزين ندخل فى الحل ….الحل اه .
ح يجيب صداع ودوشة….بس حل جزرى….للمشكلة .
تحياتى.
ا. د علاء خليل
استاذ سينيور جراحة الأورام
التعليقات