انتشرت بكثرة ظاهرة DJ فى الأفراح….هى منتشرة من زمان بس الجديد بقى الاغاني الشعبية التى تصيب الإنسان بالتلوث السمعى…والغريب يا سادة يا كرام ان الجيل الحالى من الشباب حافظ هذة الاغاني الهابطة سئية الكلام والالحان وخاصة شريحة الدبلومات …..والاغرب ان الولاد من عمر عشر الى عمر عشرين يتفاعلوا مع الأغنية بحركات لا ارادية هزلية ……أرى أن هذا النوع من الاغاني اضاع الهوية المصرية …..وبقصد ….اضاع شريحة كبيرة من الشباب .
لذا أرى وبشدة …ضرورة مراقبة المدعو DJ …ومراجعة الاغاني المسجلة علية وان يكون تحت مراقبة صارمة من الدولة …للأسف يقوم على هذه الأجهزة شباب ضايع فاقد الهوية .
ومنهم من يترك شعره ضفيرة …ومنهم من يلبس حلق …ومعظمهم لابس السلسة …هو فى ايه …نمسك حتة ….تفك مننا حتة ثانية .
انا مش عارف أجهزة DJ دى مين يراقبها …ويتأكد من نوعية الاغاني فى الأفراح….ويكون هناك التزام من الشخص بعرض الاغاني المحترمة …لازم الذوق المصرى يرجع ثانى …تركنا كل شىء ….النتيجة أجيال…ضايعة .
انا شوف شباب امبارح ينام ويقوم ويخبط راسه وحركات غريبة ….ايه ده …….لازم نلحق البلد ..كل شخص متعلم له دور ….ساعد فى إعادة البلد …للعصر السابق …بدون تلوث سمعى ولا بصرى .
اتصور ان اغاني محمد رمضان شاركت فى هذا الدمار ….الدولة تضرب جامد …على النماذج دى …تضرب بيد من حديد .
تحياتى .
المهموم بالوطن
ا د / علاء خليل
استاذ سينيور جراحة الأورام
التعليقات