“ا د علاء خليل” طب فاقوس ضرب من تحت الحزام …ومصالح ….وتنافس….وأولادنا هم الضحية
منذ البداية كنت رافض جدا للحدث …نظرا لأسباب كثيرة …تتعلق بالمكان والمبنى والطرق وأشياء كثيرة جدا
واندهشت وقتها كيف وافقت لجنة القطاع على انشاء كلية طب فى هذا المكان الريفي….مرت أحداث كثيرة
واستطاع مجموعة من الزملاء الافاضل ان يأخذوا بيد المركب ومشيت …لهم كل الشكر ….والتقدير ان تركوا
اعمالهم فى طب الزقازيق وذهبوا للعمل فى هذا المكان .
اما وان المشكلة الان …وجود مستشفى جامعي للتدريب العملى …ده من وجهة نظري مش السبب خالص …خلونا نشوف طلابنا فى الزقازيق وغيرها من الجامعات الحكومية ….هل التدريب الحالى على أعلى مستوى ….لا والله …مستوى التدريب العملى دون المستوى …ومع نظام الموديل….مستوى الطلاب عندنا و فى جامعات كثيرة فى مصر على الاقل فى الجراحة والباطنة العملى …ولا يعرفوا حاجة …ودى شهادة حق …فى الكلينيكال….مستوى ضعيف جدا جدا ……إذا….موضوع التدريب ده اشتغاله ….ومن هنا…..الحلول بسيطة جدا ….حفاظا على مستقبل ولادنا فى طب فاقوس …مش لازم مستشفى خالص.
اناشد اخى وصديقي المحترم معالى النائب مجدى مرشد ….سرعة توفير مبنى عيادات خارجية فقط ….بجوار الكلية …مبنى يتبرع به أهالي فاقوس ….ويبدا العمل بالعيادات الخارجية …وكلنا مستعدون للمشاركة فى هذه العيادات مجانا تماما …وتبدا المرضى فى التردد على العيادات … وتحضر الطلاب مع الدكاترة ….ونعمل بروتوكولات مع مستشفيات الجامعة لاستقبال الحالات وتقديم الخدمة العلاجية فورا …. مش لازم ابدا …طلاب الطب حضور عمليات …إذا كان المقررات اتحذف نصفها…..ويا دوبك يعرفوا قشور فى العلم ….يبقى كفاية العيادات الخارجية ….ومن يرغب حضور عمليات …ح نوفر لهم ميكروباصات تنقل مع مستشفى فاقوس للأمانة…طوارىء فاقوس …مستشفى ممتاذة وانا زورتها …..وبكده تنتهى المشكلة .
طب فاقوس ….ذى كليات كثيرة اتعملت غلط ….بس خلاص …ال حصل حصل وفى دفعتين …خلصوا …يعنى لازم تكمل ….ونفكر فى طريق كويس مناسب للوصول للكلية خارج الديدامون……ويتعمل صح ….ونظيف …بالجهود الذاتية .
اثق فى صديقي د مجدى مرشد ….صاحب الفكرة والحلم الذى سعى اليه وبذل مجهود كبير …فيه ….مشروع لابناء فاقوس .
هناك ضرب من تحت الحزام …ومصالح ….وتنافس ….لا يجب ابدا ان يكون أولادنا فى فاقوس هم الضحية .
على الإعلاميين والصحفيين تبنى المقترح فورا ….لإنقاذ حلم .
