” ا.د علاء خليل”زمن حكيم باشا….وأساليب الدعاية المفتوحة على الزفت الميديا

زمان ….وايام زمان …ايام ما كان الدكتور اسمه الحكيم …باشا …كان العدد على الصوابع … ويا دوبك كان الكشف بجنيهات معدودة ….والغلبان يكشف وياخد واجبه ويمشي…بنفس راضية …وكانت القرية والمركز كله عارف البشوات دول .

شوف ولادهم متربيين ازاى …وبقوا ايه ..اخلاق وحياء وسمو وشموخ ….وفضيلة ……معظمهم كده الا القليل ….وبرغم الجنيهات دى …عملوا كثير قوى ….لان كان فى بركة ….فى اخلاص …وأمانة مع المريض …..شوف بقى دلوقتى ….الدكاترة ناقص ……..على السويشال ميديا ……وارقام كشوفات عالية جدا …..وكل أساليب الدعاية مفتوحة على الزفت الميديا .

ومع هذا مش مبسوطين …ولا عايشين …..ومن الهم محملين أحمال كبيرة قوى ……..وال جاى يا دوبك يعطى المطلوب …من الأقساط………ولا عزبة …ولا عيشة …..البركة قلت ….راحت …ومش ح ترجع …ويبقى صراع …داخل كل طبيب فى مصر ….ازاى اكسب فلوس أكثر…الهدف اتغير…….زمان كان الهدف …اعالج مريض .

احنا فى محنة كبيرة قوى …ومافيش رقابة ولا متابعة …كل واحد يعمل ال فى نفسه …افتح يا عم التوك توك …وحط الموبيل أمامك وعيش …..قول واحكى….على انجازاتك الوهمية .

انا عشت جزء من الزمن الجميل ده ….لحقت شوفت البشوات بتوع زمان ……..لو فضل الحال على كده ….احنا داخلين فى مشكلة ……..صراع.

تحياتى .

ا د / علاء خليل

استاذ سينيور جراحة الأورام

طب الزقازيق