د.علاء خليل يناشد المجتمع المدني بالتحرك والمشاركة فى حل مشكلة العجز في أسره العناية المركزة
بقلم : أ.د/علاء خليل
أستاذ جراحة الأورام بطب الزقازيق
اهالى الشرقية
المجتمع المدنى …
نعانى فى الشرقية من مشكلة عدد الاسرة الخاصة بالعناية المركزة فى الشرقية ….الحالات كثيرة جدا محتاجة عناية مركزة …..داخلى وخارجى …عدد السكان فى الشرقية زايد جدا جدا …والموارد مش مكفية …والعنايات فى الخاص غالية جدا جدا …
اليوم يصل الى عشرين وثلاثين الف جنيه
ايه الحلول …
كل شوية حد يطلبنى عايز سرير فى العناية المركزة
الجامعة عندنا ضغط شديد جدا جدا
والصحة لهم نظام غريب وعجيب واطلب رقم مش عارف ايه ….ولف بقى ومعاك ربنا ….
المجتمع المدنى لازم يتحرك ويشارك …
المنصورة الله اكبر عليهم
مشاركة من المجتمع كبيرة جدا
الناس فى المحافظة دى الشرقية القرش عزيز عليهم …
ثقافة غريبة ……..
المحافظة فيها ناس غنية جدا ومعاهم فلوس
تقول له …تعالى هات عشرين ثلاثين سرير عناية مركزة …ولا الهوى …يطنش ….
ولما حد من اسرته يحتاح عناية مركزة يطلم ويعمل خمسين تليفون ….
الحقيقة كان فى ناس كثيرة حابين يشاركوا …بس انا كان عندى مشكلة مع القيادة ال مشيت والحمد الله …
المقابلة كانت صعبة جدا على قلبى
مش مقابلة لطيفة ..
ولا كان هناك تقدير لقيمة الاستاذ
الحمد الله …
نقدر الان نشتغل بحماس شديد ونسعى اننا نوفر اسرة عناية مركزة
يلا يا اهلنا ….
شارك فى سرير عناية مركزة فى الزقازيق
السرير له تجهيزات
معا نستطيع …..
احنا مش اقل من المنصورة .
تحياتى
