عد جولاتى وزياراتى الودية إلى المستشفيات المركزية فى الصحة ….وبعد ما قربت من الزملاء والأبناء الاحباء الاستشاريين والاخصائين والنواب ….استطيع ان اقول .. إن المشكلة الاساسية عند حضراتهم هى العمليات….الفنيات والمهارات الجراحية ….وبالطبع هم يوقع عليهم ظلم …فى التدريب ……احنا فى الجامعة ….ولادنا شايفين الأساتذة بتشتغل طول النهار …وبالتالي فى اكتساب مهارات ….أما الأبناء فى الصحة …التعليم والتدريب وراثة عن بعض .
طيب الحل ذى ما انا شايف ….لابد وعلى وجه السرعة …نعمل حاجة من اثنين .
…أما الأساتذة تروح بشكل او بأخر تعمل عمليات عندهم فى أماكنهم…..بعقد بقى تطوعى او بفلوس ….مش دى القضية ….الأهم ان الأساتذة يكون عندهم قناعة داخلية ان ده واجب قومى وجزء من رسالته فى خدمة المجتمع وانا باعمل كده قدر المستطاع.
وأما نعمل برنامج تدريب عملى الزملاء من الصحة يجىء الجامعة ٦ شهور يتعلم صح ….ويرجع ينفذ الكلام ده فى مكانه .
الأمر الاخر …..اننا نغير لجنة العمليات فى امتحان الماجستير والدكتوراه من لجنة نظرى فى المكتب إلى لجنة فى غرفة العمليات ونقيم صح ….ونشوف الولاد فى عملية واثنين …..ومن لديه المهارات ينجح…..ومن ليس لديه مهارات …..نقول له …بعد اذنك …اشتغل على نفسك كويس وتدخل المرة الجاية
إنما الأكيد…..إن هناك مشكلة كبيرة فى التقنيات والمهارات الجراحية ….لدى الاحباء فى وزارة الصحة وارجع اقول مش ذنبهم ….مافيش حد علمهم. وفى نفس الوقت لديهم شغف للتعليم …..ونفسهم بجد استاذ ياخد بيدهم …بس من غير تنطيط.
الأمر الاخر ….عندنا فى مصر …الولاد ينجحوا فى الماجستير ….يقوم العبقرى فى الصحة يوديه منطقة نائية …ليه يا عم ….يخدم مساعد أخصائي….الولد يروح منطقة نائية….مافيش جراحة ولا احزنون…..ينسى كل حاجة ….يرجع بعد ٦ شهور …ابيض خالص ….وأيده مرتعشة …..يا سادة …ده نظام غلط جدا …..الولد ال ينجح فى الماجستير….انا ح أعطى له منحة ٦ شهور فى نفس الجامعة يتدرب جراحة ….ويلصق بالاساتذة……وبعد كده ينطلق جراح كويس فى الصحة .
مطلوب إلغاء قرار ….بعد الماجستير ….يروح مناطق نائية.
