“ا د / علاء خليل ” خصخصة التعليم الطبي في مصر.. ملاحظات واقتراحات

قفلت باب التقديم …..الناس دفعت وخلصت وكله تمام ….مافيش مكان …ناس كثير طلبت منى اتوسط ….الأماكن كلها اتحجزت…..اه والله

ده معناه ايه….نفسى افهم….والغريب ناس من الطبقات الاجتماعية المتوسطة .

..ح تدفع اكثر من ٢٠٠ الف جنيه فى السنة

علشان الباشا يطلع د / ….(طبيب)

لفت نظرى ان احد الجامعات دى بتاخد مصاريف فى السنة ١٧٥ الف جنية مصرى .. وحوالي ٥٠ الف سكن فى السنة …هيه بالدولار مش كثير ….لكن خيبة الجنيه المصرى …. بس الجامعة تستحق جدا والكلية تحت قيادة متميزة جدا وعظيمة ولها تاريخ كبير وشخصية مرموقة وفوق كل ده زميلة غالية ..فى مجال الجراحة . عميدة ذى ما الكتاب بيقول ….الناس هناك عاملة رحلة للكلية مع الاهالى ….شافوا الكلية والمدرجات والمكتبات …والحمامات …..واحد منهم بيقول لى …فندق يا د علاء .

Orientation…..well prepared.

الفكر الجديد ده ….لازم ينقل للجامعات الحكومية ….شؤن الطلاب لازم تتحدث…..تبقى إلكترونية….وموظفين شباب يتحدثون اللغات الأجنبية مع العربية ….والمكاتب القديمة دى نولع فيها تتكهن ونجيب مكاتب جديدة ….وندخل للولاد النت فى كل مكان……طيب بالزمة مش حاجة تحزن …..فى وسط كل ده .

لا زال التعليم فى الحكومى افضل مائة مرة ….بس ينقصنا الفينيشنج …حال الكليات الحكومية وصل لكده ….الولاد طلعوا على الخاص ….ابو فلوس ….عظماء الأطباء والمشاهير ونجوم الطب فى مصر ….تخرجوا من الحكومى ….بس قبل السواد ال اسمه موديول…..ال فى رائ .. أفسد الطب فى مصر .

 ولذلك يرى البعض أن هذا النظام هو سلوك طبقى يخدم مصالح الأثرياء فقط، لذا يجب على الدولة مساعدة الطالبة والطالب المجتهد ذى القدرات المالية المتواضعة للالتحاق بهذه الجامعات بتقديم منح مالية بشرط الاستمرار فى التفوق العلمى، كما يجب على هذه الجامعات توفير عدد من الأماكن المجانية للطلاب المتفوقين غير القادرين ماليا.
لا يوجد فى بريطانيا مجال واسع للجامعات الخاصة لأن الجامعات الحكومية تقدم أحسن تعليم، خاصةً جامعات مجموعة راسل Russell Group، التى تضم 24 جامعة على أعلى مستوى أكاديمى.

أخيرا، يتطلب نجاح كليات الطب وجود هيكل إدارى فعال يلتزم بقواعد الحوكمة والشفافية فى اتخاذ القرارات، ويشجع على استشارة هيئة التدريس وممثلى الطلاب فى الجوانب الرئيسية لإدارة الكلية والأنشطة التعليمية المختلفة.

ا د / علاء خليل

استاذ سينيور جراحة الأورام بالزقازيق.

القومية….بجوار الهايبر ومركز جاويش الطبي.
٠٥٥/٢٣١٥٤٦٠‏