لاحظت ورصدت حاجة غريبة جدا …لدرجة انى فكرت فى الموضوع بجدية….كنت فى العناية اليوم بأزور شخص يهمنا جدا …روحت اسلم عليه واطمن على الوضع الطبى له ….ندعوا له بالشفاء العاجل ….المهم بقى …قعدت شوية فى العناية …وقعت عينى على ست ريفية طيبة واقفة جنب مريض لها …المريض جالس على السرير …وطبعا الأدوية والمحاليل راكبة ……لاحظ انها ماسكة موز …قشرته …وبتحاول تأكله موز …والمريض بيقولها كفاية…..وهى بتقول له …علشان خاطرى …وفجأة…..عينى جت على السرير ال جنبه …لاقيت أيضا مدام واقفة وزوجها مريض نايم وهى ماسكة معلقة الشربة بتحاول اكله ….المرضى الاثنين حالتهم مش وحشة…..يعنى …يقدروا يمسكوا الموز ومعلقة الشربة . 
قوم بقى ايه ….اسكت لا…..بصيت لهم ….كده ….وانا قاعد على كرسى وجنبى دكاترة ….هما حسوا انى حد مهم ….واكيد دكتور ….روحت سألت المريض الاولاني…..قلت له ..اكيد مجوز بقى لك عشرين سنة …قال لى …اه…..قلت له عمر مراتك اكلتك بايدها موز فى البيت …قال لى لا….وجلست افكر …فى الموضوع ده .
هيه ليه الزوجة المصرية مش بتطلع حنانها ده ليه على الزوج فى الايام العادية …لازم يعنى يدخل ام العناية المركزة علشان تأكله موز من ايدها ….ولا….الثانية …تأكله شربة من ايدها ….طيب ما تأكلوا رجالكم فى الظروف العادية ….لا….ازاى ….طيب مش حضراتكم شايفين الظاهرة دى …..الحنان كله بيطلع فى العناية المركزة.. انا نصحت الرجالة ال نايمة فى العناية ….كل بنفسك احسن …علشان لا تصاب بصدمة لما تخرج من العناية .
ا.دعلاء خليل
استاذ جراحة الاورام بطب الزقازيق
القومية….بجوار الهايبر ومركز جاويش الطبي
