التخطي إلى المحتوى
“ا.د علاء خليل “…. الزوج العاطل( بمزاجه ) قنبلة موقوته فى المجتمع
فى ظاهرة فى المجتمع تستحق وقفة وحوار مجتمعى وتدخل جهات كثيرة لعمل قوانين للناس دى .
لما يكون زوج صحته ذى لمؤخذاه وينزل مراته تشتغل وتجيب فلوس وياخذها منها ويضربها كمان ….ولازم تجيب له علبة سجاير وهى راجعة من الشغل ….ده يبقى اسمه ايه …قهر ومش قهر ….هو قاعد فى البيت …يشرب بلاوي زرقاء ومراته بتشتغل عند ناس ….الشغل مش عيب ….لكن العيب هو انه رافض يشتغل ونايم طول النهار …وياخد فلوس وتعب وشقى مراته …. وكمان يعتدى عليها بالضرب .
النماذج دى ملت البلد ….اه والله …..جاء لى عيان يكشف امبارح ….بتشتغل ايه …..ما عنديش شغل ….عايش ازاى …مراته ردت وقالت …انا باشتغل يا دكتور عند ناس طيبين ….وهو نايم فى البيت ….يشرب بلاوي زرقاء …..باصرف على ولادى وعلى البيت ….وحماتى كمان بتاخد منى فلوس ….ويا لهوى على القهر ….فين المجلس القومى للمرأة ….ما فيش لجان تنزل للمجتمع فى الأحياء الشعبية دى وتشوف البلاوي دى …..وتاخد ضدها إجراءات ….والراجل ال ذى البنى أدام…..يطلع عيال عاملة ازاى ….تنزل المجتمع تعمل فيه ايه …..مش عارف ….اعمل ايه…مطلوب اهتمام بالطبقة دى ….ممكن حتى يعملوا استطلاع بالتليفون ….تسأل ….الزوج ….بتشتغل ولا لا.
حاجة تحرق الدم بجد …..انا ارى ان كل عمدة مسؤل عن قريته …يشوف مين الراجل ال مش شغال ويبلغ عنه فورا ….لازم يكون عارف كل بيت فى قريته ….والراجل ال من النوع ده يبعت يجيبه……ويعلقه على باب الدوار ذى زمان …..ده مستقبل عيال.
ا.د علاء خليل
استاذ جراحة الاورام بطب الزقازيق.
القومية….بجوار الهايبر ومركز جاويش الطبي.