التخطي إلى المحتوى
د.علاء خليل يحذر من حوادث رهيبه تحدث بسبب استخدام صغار السن موتوسيكلات فى العيد

بقلم:ا.د/ علاء خليل

أستاذ جراحة الأورام بطب الزقازيق

العيد داخل على حضراتكم….كل عام وانتم بخير ..

..أهلنا فى الريف والمناطق الشعبية بالمدن …احذر وبشدة من موضوع ركوب الموتسيكلات لصغار السن …أصحاب المحلات يكون عندهم ضمير ودم ….ممنوع ركوب اى درجات لصغار السن …نستقبل كم من حوادث الموتيسكلات كل عام كبير جدا …حوادث الموتوسيكلات كلها معاها كسر فى قاع الجمجمة ونزيف داخلى بالبطن …يعنى خطيرة جدا ….ونقعد نجرى على أماكن عناية ….مافيش …أماكن فاضية …انا حذرت اه ….الناس تعطى تعليمات لعيالها …
والنقطة الثانية ….موضوع المراجيح …ده…..لابد ناس تطلع من الحى مسؤلين تشوف السلامة والأمان للمراجيح دى….خطيرة جدا ….الوقعة ….تساوى وفاة على طول ….وتهتك فى الطحال والكبد ونزيف داخلى بالبطن ….
واصابات بالمخ ….وكسور ….وكل سنة نفس السيناريو …ونقول ونعيد ومافيش فايدة …..المراجيح اليدوية دى خطيرة جدا ….وبدأت تتنصب من الان …دى فورا تتكسر على رأس صحابها حالا…..ونحمى أطفالنا ….وفلذة اكبادنا ….السادة المسؤلين…..حملات فورا على محلات الموتوسيكلات ….والمراجيح..
….الإنسان أغلى من اى شىء …..
احذر من الحوادث …..الاحصائيات موجودة …..فى العيد أعلى نسب حوادث وللأسف أطفال وشباب……..ننتبه.
شوية ضمير ومسؤلية ….ونحمى ولادنا ….قرارات صارمة.