التخطي إلى المحتوى
“ا.د علاء خليل” رسالة الي الأطباء صدقة السر.. اغتنمها فى علاج الفقراء  يكرمك الله
الواحد بقى مكسوف يطلب من المرضى اتعاب جراحة بعد كل ال بيحصل ده من غلاء …..النهاردة دخل لى مريض فى الأربعينات من العمر جاى يكشف ومعاه زوجته …ناس افاضل وذوق جدا جدا ….بعد الفحص والكشف تبن انه محتاج عملية ….وبعد شرح تفاصيل العملية ….وصلنا إلى نقطة الاتعاب ….قال بص يا د علاء ….انا جاى على سمعة حضرتك الطيبة ورحمتك بالمرضى ….قولت له احنا تحت أمركم ….قال لى انا دخلى كذا وساكن فى شقة إيجار….ولسه امبارح دافعين قسط المدرسة للولاد …وفلوس الاتوبيس …..وللأسف المدام على وشك الولادة ….والله حصل حمل خطأ ….على الجهاز ….مش عارف الأجهزة اليومين دول مش مظبوطة ….حتى الاستاذ محمود صاحبى …جارى …نفس المشكلة ….المدام حملت على الجهاز ….وحضرتك عارف القيصرية دلوقتى محتاجة مبلغ كبير …وربنا يعين كل واحد على حاله…..ده طبعا بالاضافة الى علاج الحاج والحاجة …ماهم معاش ….وحضرتك عرف مرتبات المعاشات ولا تكفى حاجة ….علشان كده انا باساعد معاهم …..ده حتى الأنسولين مش موجود ….وسعره عالى جدا والله يا دكتور …..بس الحمد الله …ماشية ….مش عايز ادوش حضرتك بمشاكلي…..إنما طمعان فى مساعدتك …..مفهوم ….طبعا ….ربنا يقدرك ….ويعينك على كل الطلبات دى …..نسيت اقول لحضرتك ….لبس الطفل ….غالى قوى دلوقتى ….ولبن صناعى …اه…..ما هى المدام مش بترضع طبيعى …..الحمد الله ……………
كام بقى حضرتك …..قلت له كام ايه …..اتعاب الجراحة والتخدير ….ده خلاص ….خليهم علينا المرة دى ….علشان تعرف تكفى نفسك ….بص ….المستشفى .. حسابها معاك …..وانا ودكتور التخدير…..حط اى مبلغ فى ظرف ….واقفله ….وقولى اتفضل …..وانا والله العظيم موافق ومبسوط …..واحسن حاجة لك ……قال لى ربنا يكرمك ….وخرج على كده …..وان شاء الله بكرة العملية ……ويقوم بالسلامة ….الدنيا بقت صعبة خالص …
السكرتير …رفض يدخل حالات ليه ….قال لى افتكرت انه صديق حضرتك…..ودى جلسة ودية …..سبتكم تتكلموا مع بعض ……يا الله ……
ا .د علاء خليل
استاذ جراحة الاورام بطب الزقازيق