التخطي إلى المحتوى
رسالة الي الأطباء المقيمين في المستشفيات……انتم اول محطة فى مقابلة المرضى
نفسى ولادنا الأطباء المقيمين فى المستشفيات الحكومية والجامعية والخاصة….انتم اول محطة فى مقابلة المرضى …عايزك تعرف ان نصف الناس والمرضى دول سالفين فلوس المواصلات….ويمكن ثمن التذكرة ….وصاحيين من الفجر علشان يحجزوا الكشف فى العيادات الخارجية عندكم …..وخاصة الناس ال جاية من الريف ….عايزك تقدر الظروف دى …..والام ال لابسة جلبية سوداء وطرحة دى ممكن تكون عندها رجالة ذى الفل وفيهم دكاترة وبهوات وناس مسافرة فى أوربا… بس دى عادات القرية …من فضلكم …ابناءى وبناتى السادة النواب ….مراعاة الاتى :
حسن المقابلة ….
الاحترام الكامل للناس دى ….تشيلهم على رأسك .
قبل ما تطلب فحوص وتحاليل ….اسأل عن ظروفهم المادية ح يقدروا يعملوا الحاجات دى ولا ….لا…..علشان بدل من نطلب خمس فحوص ….نطلب الاثنين المهمين …..دول ناس غلابة ….
حاول تساعدهم ….لو فى إعفاء او بحث اجتماعى او جمعية تساعدهم ……فى عمل الفحوص دى ….
يا ابنى ويا بنتى ….دول أهلنا….ناس طيبين……بس الظروف مش مساعدة …..كويس انهم وصلوا عندك …..ابذل كل مجهود لمساعدتهم وجبر خاطرهم ..
كن طيب المنبت ونقى الاصل وصفى القلب وحسن السريرة
..وربنا يوفقكم.
ا د / علاء خليل
استاذ سينيور جراحة الأورام
بالزقازيق.