تحية كبيرة وعظيمة للبنت الريفية تعبيرا عن مدى الامتنان والتقدير والاحترام لما تقوم به من جهود وتضحيات يومية … فهى الأم.. نهر العطاء والتفانى والتضحية التى تواجه جميع التحديات دون كلل أو ملل… وهى الابنة والزوجة القوية الشجاعة المخلصة…
إن احترام المرأة المصرية وتقدير دورها.. قديم قدم الحضارة المصرية و المرأة المصرية سبقت نساء العالم فى تعظيم مكانتها فى المجتمع.
تجوز وتروح بيتها فى القرية بس امها وابوها …محفورين فى عقلها وقلبها ….
يا الله ….النهاردة انا اندهشت جدا .. سيدة ريفية فى الثلاثين من العمر جايبة امها تكشف ….والدتها وزنها كبير …واحنا فى غرفة الكشف …السرير عالى شوية …الرجالة مش قادرين يرفعوا المريضة ….فجاة …راحت مشمرة هدومها ورفعت والدتها شيل من الأرض…علشان تنام على سرير الكشف ….يا الله ….المهم خلصنا الكشف ….والمريضة نازلة على كرسى ….راحت البنت شايلة الكرسى مع أقاربها لحد الاسانسير ….مش ممكن …اقول لها ظهرك…..فدى امى اى حاجة ….ايه ده ….ايه التربية دى …ايه الوفاء ده ….ايه البر ده …..يا الله ….بعد شوية ….دخلت حالة ثانية ….سيدة كبيرة فوق ال ٧٠ معاها بنتها فى ٣٠ من عمرها ….جلست تحكى لى كل حاجة بالظبط ….وعارفة الاشعات واحدة واحدة ….الأهم عارف التحاليل كمان ….اندهشت جدا من ذكاء البنت البسيطة دى ….متعلمة يا ….x…..لا…طيب عارفة الحاجات دى ازاى ….انا قاعدة مع امى من شهر ….وعيالك ….امى اهم …..يا الله …..قلبى وجعني…..ايه ده ….اخلاق القرية ….رغم المعاناه…..والعيشة الصعبة ….وقلة الايد …..لكن تبقى الأخلاق…..والام والأب.
تحية كبيرة ….للبنت الريفية…..على رأسي من فوق.
