زارنى الحاج محمود بالعيادة جاى يكشف على زوجته ….عندنا ورم وجايه زعلانه خالص وساكته ….قلت اضحكها شوية ….سالت الحاج محمود …الطريق كان سهل …خاصة انهم جايين من مكان بعيد ….ردت الحاجة وقالت ….ال ج ب اس ….مخلاش حد يتوه….قلت الله …انتى عارفه ال ج ب اس يا حاجة. ….ايوه يا باشا …بنمشى عليه انا والحاج من زمان ….البت توصف لنا الوصفة يمين وشمال ذى ما تكون قاعدة معانا… تصدق …عارفه شوارع بلدنا شارع شارع ….وحارة حارة….احنا نظبطه اول ما نركب العربيه ….وانا اسمع واقول للحاج خش يمين وشمال…..وبعد ما نوصل …اقول لها ….خلاص …كثر خيرك ….تفضلى معانا ….بتروح ماشية لوحدها كده ….حتى مرة باقول للحاج ….اعزم عليها يا حاج بفلوس …البت تعبت معانا و وصلتنا……عزم عليها الحاج ….ما رضيتشى……ونضحك ….والحاجة تضحك من قلبها …..وفين …..وفين …..لما الحاجة راقت خالص ….وقالت شوف يا سيدى ….انا خفيت خلاص لما شوفتك ….شوف الورق ده ….وتوكل على الله اشتغل على طول ……خلصنا الكشف ….وخرجت الحاجة بالسلامة ….ومنتظر اتصال الحاج ……وهى خارجة…..قلت لها سلامى للبت بتاعة ال ج ب اس …..قالت …ح اقولها ….دى أمانة…..مع السلامة يا دكتور علاء ……
الله على ذكاء المصريين و دمهم الخفيف……
نسيت اقولكم ان الحاجة واحنا قاعدين …فى وسط الكلام قالت والله يا دكتور قلت للحاج ما تجوز الود حسين البت الحلوة دى بتاعة ال ج ب اس ….رد الحاج وقال تفتكرى دى لسة قاعدة من غير جواز … ونضحك…..من قلوبنا.
كل سنة وانتم طيبين….
ا.د علاء خليل
استاذ جراحة الاورام بطب الزقازيق….
القومية….بجوار الهايبر ومركز جاويش الطبي.
٠٥٥/٢٣١٥٤٦٠
القومية….بجوار الهايبر ومركز جاويش الطبي.
٠٥٥/٢٣١٥٤٦٠