موقع الشرقية نيوز موقع اخبارى شامل جميع الاخبار الحصرية.

“ا.د علاء خليل ” استاذ جراحة الاورام بطب الزقازيق يوجه رسالة الي طبيب …

التعاملات المالية فى العلاقات الزوجية يجب تحديدها مبكرا

دخلت انام …جت لى هذه الرسالة وصاحبها منفعل جدا وعصبى ….دكتور فى الثلاثين من عمره يعمل فى الصحة فى أحد المراكز الطبية ….عنده عيادة فى مركز بسيط …أطفال…وشغال وماشى الحال ….متزوج من مدرسة تعمل فى مدرسة ثانوى….حياتهم معقولة وعندهم طفلين فى مدرسة خاصة …فى نفس المركز …..هذا الطبيب عنده سيارة كويسة ودخله من العيادة متوسط ….بيغطى احتياجاته اليومية…..من شهرين توفى والد زوجته وهيه ابنه وحيدة ….ترك والدها عمارة كبيرة وأرض زراعية كبيرة ومبلغ من المال فى البنك…..بعد الانتهاء من مراسم الجنازة …والأربعين……
بدا الدكتور يتحدث مع زوجته فى موضوع الميراث….عايزين ناخد ميراثنا من والدتك ….وجاء رد الزوجة…..ربنا يعطى الصحة والعافية لماما ….انا مش اقدر اتكلم مع ماما فى الموضوع ده…..حاول الطبيب فتح الموضوع اكثر من مرة …وجاء رد الزوجة بوضوح … ده موضوع عائلى….وانت مش من حقك تكلم فيه….وخاصة جدتي موجودة ….وبعد عمر طويل ….لماما….نبقى نشوف موضوع الميراث ده….مرت ايام وحدثت مشاجرة بالكلام بينهم….بسبب هذا الموضوع…..على اثر
المشاجرة….تحدثت الزوجة مع عمها المهندس الكبير …والذى استدعى الزوج وطلب منه عدم التعرض لهذا الموضوع …..
ميراث مراتك موجود وح يزيد مع والدتها….وانت مش من حقك تكلم فى الموضوع……للأسف…..تغيرت معاملة الطبيب لزوجته جدا….وبدت هناك حالة من عدم الارتياح ……مرت الايام ….وشهر والثاني…..تدخلت والدة الزوج وطلبت من زوجة ابنها تعمل مركز طبى لابنها فى العمارة .الخاصة بوالدها…خاصة أن فى كام شقة خالية…..
بعد دراسة للموضوع…..اقتنعت الزوجة بالفكرة …..و وافقت على أنهم يعملوا مركز طبى فى دورين فى العمارة بس يكون باسم الزوجة …ده كان شرط عمها ….وافق الزوج وبدأ فى تجهيز المركز …وطلب توكيل عام من الزوجه لانهاء إجراءات ترخيص المركز …..حفاظا على تعب مراته…..وخاصة ان الموضوع محتاج أوراق كثيرة…… بيقول الزوج انه باع لنفسه المكان بالتوكيل …
وطلع الرخصة باسمه….دون علم الام بموضوع البيع ….بعد كام يوم حكى لزوجته هذا الأمر……وقال لها كان لازم المكان يكون بأسمى علشان حاجات كثيرة إدارية…….خناقة كبيرة ….والأمور ساءت جدا …..وفى تصعيد فى الخلافات …..والدكتور مش عارف يشتغل ….وقفل عيادته….ويسأل……هل انا تصرفت غلط….
ا.د علاء خليل
استاذ جراحة الاورام بطب الزقازيق….
القومية….بجوار الهايبر ومركز جاويش الطبي.

التعليقات مغلقة.

مصر فور