التخطي إلى المحتوى
د. علاء خليل: تقدير مقبول.. غير مقبول فى ٢٠٢٢ ولابد من تغير هذا المسمى

كتب _أشرف محمود

بقلم د. علاء خليل أستاذ جراحة الأورام بطب الزقازيق..

الجامعات المصرية بتخرج ألاف مؤلفة كل سنة وخاصة الكليات النظرية….كام فى المائة بقى بيتخرج بتقدير مقبول….عدد كبير جدا جدا ….دول بقى ليس لهم مكان فى اى مكان حكومي ولا خاص ….ليه…..علشان اول طلب من الأوراق شهادة التخرج والتقدير…..مقبول … مع السلامة….النتيجة ان الشباب دول…..أصبحوا مجبرين على العمل فى المهن الحرة…..ال ظروفه كويسة….بيعمل مشروع ويشتغل ….والباقى مضطر يشتغل فى أعمال ليس لها علاقة بالشهادة…..خالص.. وقد تكون أعمال مهينة له ك خريج جامعة …الموضوع ده…..شغال من سنين على كده…لا عارف يلاقى فرصة عمل كويسة مناسبة لا داخل مصر ولا خارجها ….ده حرام ….وبعدان نقول …انتماء …..علشان كده…..اناشد الناس المسؤلة عن التعليم العالى ….ندرس فكرة مقترح ….نلغى تقدير مقبول ده خالص …..ونبدأ من جيد ….جيدا جدا…..وامتياز…..طيب…..لو النتيجة طلعت مقبول نعمل اختيار من اثنين …..أما الشخص يوقع اقرار انه عايز شهادته كده……والاختيار الثانى….نعمل اى كورس لمدة ٣ شهور….ويعاد امتحانه بطريقة معينة نشوف لها شكل ….ولو نجح ….يبقى اخد فرصة كويسة يلاقى وظيفة فى السوق المصرى …بتقدير جيد ..ولو رسب….يبقى خلاص ياخد شهادته كده….الناس ال فى المجلس الأعلى للجامعات….السادة عملاء الكليات ….يتقدموا بطلب واقترح لحل أزمة آلاف الشباب….دفعات ورى بعضها…..لازم نتغير…..مستحيل الوضع ده يستمر…..اللوائح والقوانين تتغير… وتناقش…..ونشوف حل …….لا…..لتقدير مقبول……فى ٢٠٢٢…..غير مقبول …ولابد من تغير هذا المسمى.