“اد علاءخليل” ومبادرة جديدة ….كيف تكون جامعة الزقازيق منارة للمحافظة ؟

طيب والله العظيم حاجة تخلى الواحد يطلع من هدومة…عندنا الجامعة فى الزقازيق وجامعة عريقة وفيها بسم الله ماشاء عدد أساتذة كبير جدا جدا غير بقى أساتذة مساعدين ومدرسين ….كفاءات عالية وعلم وخبرات…..والمحافظة بمراكزها فى سكة ثانية خالص ..

تلاقى الصحة لامؤاخذه واقعة….والتعليم واقع ….وخد عندك

بقى….التخطيط….والاستراتيجيات….والإحصاء……والسكان …..والإسكان……ومعظم القطاعات واقعة فى مستويات تقديم الخدمات بالنسبة للقاهرة والجيزة مثلا ….اه والله…..فى حين ممكن جدا الاستفادة من قدرات الجامعة ….ومجانا…..الناس مش عايزة فلوس ….بس تشارك ….بخبراتها……اقولكم بس على حاجة …كلية العلوم دى فيها أساتذة عالمين ….اه…والله….

في المياه…..والكمياء…..والنبات….والجيولوجيا…..خبرات دولية….واسال…..انتم بتشاركوا في اى أعمال في محافظة الشرقية….ما حدش طلب….الا من رحم ربى……ليه كده….

وعندنا كلية الهندسة…..كفاءات عالية جدا….الطرق….والانشاءات…..والتخطيط الهندسى والمعمارى…. والعمرانى .ولا اروع من كده…..وعندهم مكاتب هندسية على أعلى معايير…..واسال..اصدقاءى وزملاءى…برضوا الإجابة……ما حدش طلب …..طيب المشكلة فين….

عايز ونفسى اشوف المحافظة تستفيد من الجامعة…..واساتذة الجامعة…..وايضا….الجامعة تكون منارة للمحافظة…..هيه ايه الصعوبة هنا…..

بحيث المحافظة تكون نموذجية في كل شىء…..كل القطاعات ….كل المؤسسات…..يمكن انا مش فاهم ….او….جايز فى تعاون وانا مش عارف……بس نفسي ده يتحقق.

ا د علاء خليل…….استاذ جراحة الأورام بالزقازيق.