موقع الشرقية نيوز موقع اخبارى شامل جميع الاخبار الحصرية.

محمود المهدي يعلق على انتهاء خلافه مع منة عرفة: ثقتي في ربنا كبيرة

أعرب الفنان محمود المهدي عن سعادته بعودته لزوجته الفنانة منة عرفة بعد إعلان انفصالهما خلال الأيام الماضية.

وكتب محمود المهدي عبر خاصية الستوري التابعة لصفحته الشخصية على “إنستجرام” قائلًا: “الحمد لله دائما ثقتي في ربنا كبيرة، وشكرا لكل واحد أتمنى الخير لينا، ربنا يردهولك أضعاف”.

من جانبها، أعلنت الفنانة منة عرفة عودتها إلى زوجها محمود المهدي، بعد انفصالهما لمدة يومين وتحديدًا مساء الأحد الماضي عندما فاجأت الجمهور بطلاقهما.

وكتبت منة عرفة – عبر حسابها على موقع التواصل الاجتماعي «إنستجرام» مساء الأربعاء -: «من أصعب اللحظات اللي ممكن تعدي على أي ست لحظة الانفصال وخراب البيت، الطلاق يهتز له عرش الرحمن، لكن أنتوا يمكن عشان بتسمعوا عن بيوت بتتخرب كل دقيقة فبقى أبغض الحلال عند الله بالنسبة لكوا نكتة أو حاجة تتمسخروا عليها».

وأضافت: «رهان بتعملوه مع بعض على إننا مش هنكمل، أو مادة خام للشماتة فينا، خراب البيت عمره ما كان حاجة سهلة على الست أو على الرجل أو على أهالينا، في عز ضعفي وحزني وكسرتي إلى ربنا ما يكتبها على أي ست مرحمتونيش ولا قدرتوا إني في موقف لا أحسد علیه وشمتانين فينا، قد إيه أنتوا ناس متعرفوش ربنا ولا في قلوبكم رحمة، أتمنوا الخير لبعض يا جماعة بلاش نشمت في بعض».

وتابعت: «لكن دي غلطتي أنا إني شاركتكوا حياتي الشخصية، الإنسان بيغلط عشان يتعلم وأنا اتعلمت، ربنا يعينكوا على نفسيتكوا الجحيم دي، وعسى أن تكرهوا شيئا وهو خير لكم، يمكن الخلاف إلى حصل كشف لنا ناس كتير حوالينا كانوا بيمثلوا انهم فرحانين لينا بس الحقيقي إنهم كانوا مستنين أول مشكلة عشان يشمتوا فى كسرتي وخراب بيتي“.

واختتمت: «بس والله ربنا مش هينولهلكو وربنا يخليلي أهلي وزوجي والناس اللى بتتمنالي الخير ووقفت جمبي».

التعليقات مغلقة.

مصر فور