موقع الشرقية نيوز موقع اخبارى شامل جميع الاخبار الحصرية.

“ا د / علاء خليل “….رسالة مفتوحة الى رئيس الوزراء حول اعادة هيكلة وزارة الصحة

احنا محتاجين وزير صحة وأربع نواب علشان نقدر نغير في المنظومة الصحية في مصر ….عندنا ٢٩ محافظة في مصر .. .الصعيد ١٠ محافظات ….الوزير يقعد في القاهرة يتابع القاهرة والجيزة فقط ….وأمور الشؤن الخارجية …وكل نائب وزير يمسك كام محافظة ..وله كل صلاحيات الوزير في محافظاته….يصدر كل التعليمات إلى كل مدير مديرية ويتابع معه يوم بيوم …ح نعمل ٤ مكاتب …مكتب نائب في الإسكندرية…….ومكتب نائب في الإسماعيلية ومكتب نائب في المنيا للصعيد كله….ونائب في المنصورة ….ونقسم المحافظات على كده….بحيث مدير المديرية ياخد التعليمات من النائب مباشرة ….وينفذ فورا ….ح نخلى بقى قطاع الأطباء يتبع مكتب النائب على طول ….جميع طلباتهم ومشاكلهم من مكتب النائب مباشرة ….وطبعا النائب لازم يكون استاذ جامعة …ويكون له مكتب فنى محترم ….واستراحة في المحافظة وسيارة مرسيدس سوداء ذى الوزير بالظبط…..ح نعمل نظام الكترونى يوصل مكاتب النواب ببعض .. ومع مكتب الوزير مباشرة …..ممنوع تعامل مدير المديرية مع الوزير ….لازم من خلال النائب…..ح نعمل بقى هيئة عليا للتمريض لها ريس ….في كل مكتب نائب….تكون مسؤلة عن التمريض كله في المحافظات الخاصة بها …..ح تقابلنا بقى مشكلة التأمين الصحى….ومراكز الأورام…..والمستشفيات التعليمية…..ومراكز البحوث …..دى بقى لها خطة ثانية خالص ….لسة في مشكلة المشاكل موضوع المجالس الطبية واللجان العليا وغيرها….دى لازم نعمل لها هيكلة جديدة….في ناس في اللجان دى اكثر من عشر سنوات ….ده غلط….ح نغير كل الناس دى ….يا نهار ابيض ….

ثانيا:

نكمل بقى البرنامج .والمقترح..واقتراحى الخاص بالمحافظة الحدودية …
نائب الوزير……كل نائب وزير يقع فى اقليمه…محافظة حدودية…ح نغير شكل ومضمون الخدمة الصحية ….ح ندخل خدمة التلى ميديسن….telemedicine …في كل مستشفيات هذه المحافظات ونربطها بأقرب جامعة لها ….بحيث تعمل علي مدار الساعة .يعنى خدمة طبية لمساعدة أطباء المكان من على بعد وخاصة الجراحات….كمان ح ندخل خدمة الإسعاف الطائر……كل محافظة حدودية…ح نحط من ٤_٥ إسعاف طائر …ينقل على أقرب جامعة له…..
ح نعمل برنامج بالتعاون مع وزارة الزراعة والإسكان و التضامن ….مشروع فيللا لكل طبيب ح يعمل في المحافظات الحدودية….ح نوفر له فيللا بجنيه خضراء جميلة وقطعة ارض هدية ….يزرعها بمعرفته …. ح نوفر للأطباء انترنت مجانى قوى…. علشان تعليم ولادهم طبعا ح يكون من خلال النت …..نائب الوزير ح يخلص كل الكلام ده ……سفر الأطباء والاداريين والتمريض كله بالطيران وعلى حساب الوزارة مافيش كلام ….واسرهم طبعا….أقرب مطار…..ونوفر ميكروباص سياحى درجة أولى ذى بتاع الطيارين ….ومصر للطيران…..ياخذهم من عند الطيارة إلى أماكن عملهم…..طبعا …. ح نفتح التعاقدات للسادة الأساتذة والاستشاريين….اهلا وسهلا بكم في المحافظات الحدودية…..بمبالغ تليق…بالدولار…..وعلى كل نائب توفير الموارد…..يشتغلوا …….التركيز اولا …على المحافظات الغلبانة دى….أهلنا…..ناس طيبة….ح نجيب كل الشريط الحدودى….حزمة خدمات طيبية جاهزة وقابلة للتنفيذ فورا…..
ا د / علاء خليل……استاذ الجراحة.

التعليقات مغلقة.

مصر فور