موقع الشرقية نيوز موقع اخبارى شامل جميع الاخبار الحصرية.

ا.د معتز السنان استشاری امراض القلب والقسطرۃ : بعض الحقائق مابين كورونا وامراض القلب

بعض الحقائق مابين كورونا وامراض القلب:

 

اولا كورونا لسه مخلصتش ومش هتخلص او ينتهى اثارها الا لما البعض يصاب وتحصل ليه مناعه والبعض الاخر

 

ياخد التطعيم وده هيحتاج وقت.

 

ثانيا صحيح كتير من الوفيات اللى بتحصل فى مرضى كورونا بيبقى المريض سليم ولكن النسبه الاكبر بتكون

 

فى مرضى بيعانوا من امراض قلب او اى امراض مزمنه اخرى.

 

 

اللى بيحصل فى مرضى كورونا بيتسمى ثورة فى السيتوكينز (وده المواد المسئوله عن حدوث الالتهاب فى الجسم ولها وظايف تانيه كتير ) مع الزياده الكبيره جدا فى نسبه المواد ده وغيرها بيحصل ارتباك فى وظائف الجسم كله واوله القلب

 

– فالقلب السليم عرضه ان يحصل فيه ضعف ويسبب ارتشاح فى الرئه وصعوبه شديدة فى التنفس فما بالك لو المريض عنده ضعف فى العضله ف الامور بتكون اسوء.

 

– معدل التجلطات بيزيد وبالتالى المريض بيبقى اكثر عرضه لحدوث جلطات الشرايين التاجيه وجلطات الاورده والشريان الرئوي.

 

– اضطراب فى ضربات القلب واللى ممكن تكون زياده فى معدل ضربات القلب ولكنها ماشيه فى مسارها الطبيعى و ممكن تكون تذبذب اذينى سريع او خوارج بطينيه واذينيه وغيرها من انواع اضطراب ضربات القلب.

 

– التهاب على صمامات القلب وما ينتج عنها من هزلان وضعف عام بالاضافه الى الصعوبه فى التنفس مع تسمم فى الجسم.

 

– التهاب فى الغشاء التامورى للقلب مع امكانيه تجمع مائي او دموى جوا الغشاء ده ويضغط على القلب.

– ارتفاع الضغط وده كتير بيبقى نتيجه الكورتيزون المستخدم فى العلاج.

 

– ده غير النتائج غير المباشرة على القلب والشريان الرئوي نتيجه التليف اللى ممكن يحصل فى الرئه بعد الاصابه بكورونا.

 

ده عينه من المضاعفات الجانبيه اللى ممكن تحصل لمريض القلب بسبب الاصابه بكورونا

 

 

يبقى المطلوب ايه:

 

– استمرار الالتزام اللى معدش موجود حتى لو اخدت التطعيم ( الكمامه والتباعد ومنع التجمعات والكحول

 

وغسيل الايدين وغيره).

 

– عندك فرصه تقدم وتاخد التطعيم متتاخرش.

 

– التزم بعلاج القلب الخاص بيك وعند ظهور اى اعراض جديده استشير طبيبك فى الحال.

 

ربنا يحفظنا ويحفظ الجميع من كل سوء

 

التعليقات مغلقة.