كنت لسه بكلم استاذ جراحة كبير صديقي في جامعة خاصة بياخد راتب بالدولار ..ربنا يبارك له..هو شاطر وعاش بره مصر شوية ..يجيد الانجليزية تماما …الكلام جاب بعضه….اخبار الجامعة وكلية الطب ايه عندكم ….قال لي…ايه د علاء …مش بتابع صفحة الكلية عندنا ليه …احنا اخبارنا ثانية بثانية علي الصفحة….كل الاتفاقيات موجودة….وعلي فكرة…..احنا تعاقدنا مع اساتذة اجانب …جايين خلاص….قلت له….مبروك…اخبار كويسة….برافوا…اجانب…اه….اجانب…انتو مش عندكم صفحة للكلية ….قلت له… الحقيقة مش عارف…جايز في….امال بتعرفوا اخبار الكلية ازاى….من بعض كده…
تليفون من هنا علي تليفون من هنا وماشية….واخبار الشغل الخاص ايه….الاهم….البرايفت اخباره ايه…..باروح العيادة يومين في الاسبوع …وعيادة زايد يومين …وماشية كده كويس….مافيش وقت خالص…باروح دبي كل خمسة عشر يوم اعمل كام عملية وارجع …حلوة دبي دى….ما انا صاحبك يا عم …..تاخدني معاك دبي…اشوف….لك فرصة….حاضر …قلت له …السوق في الزقازيق نايم خالص ….الناس غلابة….دخلهم بسيط….قال لي ….طيب تعطي محاضرات للطلاب في بلد خليجية علي الزوم…..المحاضرة ساعتين ….المبلغ لكل محاضرة 300 دولار ..ايوه… انا بحب المحاضرات… جدا…. حافظ الجراحة صم… ..عايز ال CV to بتاعك ..قلت له جاهز …من الصبح ….ابعته….حاضر….قلت له …انا عندى وقت ….طلبت من المستشفيات الحكومية في الصحة يستفيدو مننا …ونروح نعمل لهم عمليات ببلاش ….اه والله ….مش عايزين …معقول…اه والله….قال لي …اوعدك ….اننا اشوف حاجة تناسب وضعك وقيمتك ….يعني مش بتعمل في الشهر ربع ….في مصر…ربع ايه…ربع مليون …..انا قلت لك زمان …تعالي القاهرة….انقل سكنك هنا ….واشتغل في القاهرة….انت قولت…اسيب الناس الطيبة الغلابة دى لمين ….الحمد الله…والله …دعوة منهم بالدنيا …..اوك يا د علاء ….اشوفك وقت ثاني….مستعجل ….لا طالع المطار……رايح دبي…..لا……رايح الغردقة…..عندنا اجتماع خاص بالكلية ….في الغردقة…..مع ناس اجانب ……توصل بالسلام …..سلم عليهم ….جلست افكر …..ايه ده……وايه ال بيحصل ده…..معقول في كده……قلت في سرى…يارب ببركة شهر رمضان…توعدنا بجامعة خاصة …..نستريح …..والدنيا تبقي حلوة كده…..بس داخلي بيقول لا…… بجد ….السعادة هنا….مع الناس الطيبة الغلابة……
