“ا.د علاء خليل ” سر النجاح…. الثبات علي الهدف

62

 كل سنة وانتم طيبين… روحت البيت… قلت اشوف الاخبار علي الموبيل…. وبالمرة اتابع قصة سد النهضة… رن التليفون… الماسينجر… الو…. طلع صديق لي.. مصري..واحد من ولادى… سافر من زمان… خلص نيابته هنا… ورئيس القسم وقتها رفض تعينه معيد… قاله انت فاشل… الله يرحمه.. مات من زمان.. الله يسامحه بقي… ازيك يا د علاء…. عامل ايه… وبدنا نتكلم عن مصر شوية وعن كندا شوية والحديث ممتع وجميل…. وفجأة ضرب التليفون علي الخط العادي… استاذنت منه ارد بس… الو.. مين… انا الحاج ابو صلاح…. الحاجة بس عايزة تسالك سؤال…. علشان العملية تعباها…. تقعد في مياه دافيه قد ايه… عليها مطهر ولا لا…. تقعد ربع ساعة يا حاج ابو صلاح… معلش معاي تليفون من كندا… يعني هيه كندا دى اهم منا.. خلاص يا حاج ابوصلاح…. مع السلامة…. معلشي يا د محمود… المرضي هنا في مصر…. بيضربوا علينا في اي وقت…. يضربوا علي حضرتك ليه… فين الفاميلي دكتور بتاعهم… في اجازة يا د محمود…. معقول…. اه… ده ال حصل…. واخبار التعليم ايه عندكم في كندا… طبقتم نظام الموديول ده… الحقيقية لا….. كنا طبقناه من كام سنة وعملنا ذي questionnaire… كده للطلبة…. واتلغي… علي كل كندا… اه طبعا… الطلبه في نهائي طب عندكم… بيدرسوا ازاي…. قال لي كل استاذ معاه 5 طلاب طول السنة… الجراحة تدرس في غرف العمليات….

الطوارئ…. العيادات الخارجية… المؤتمرات….. السفر للخارج مده شهر…. في مستشفي ثانية…. الشغل في معامل البحوث… لازم الطالب ياخد شهر في المعمل… يتعلم طرق الجراحة التجريبية… يشتغل علي الحيوانات… بنفسه…. يتعلم…. طرق البحث…. معقول كل ده…. مش بس كده…. الطالب لازم يكتب ذي عندكم كده تقرير…. Report… عن كل حاجة اتعلمها…. ويكتب رايه في الاستاذ…. والدكاترة… هل استفاد ام لا….. والكلام بيروح الي اعلي حد في الجامعة…. بيروح اذاي…. عن طريق الايميل يوم بيوم…. وفي اجتماع اسبوعي ندرس السلبيات… وتعسر الطلاب…. ،بنعمل زيارات لبيوتهم….. وأهاليهم…. نشوف المشاكل علي الطبيعة… الله اكبر… ايه اىجمال ده… كل ده عندكم في كندا….. اه طبعا… الوضع هنا… كل شيء محسوب كويس… جدا… كل واحد فينا ماشي علي اجندة سنوية بالثانية….. مافيش هزار…. رن التليفون…. طيب انا اسف د محمود….. في رقم بيضرب علي كثير…. ح ارد بس… وارجع لسعاتك… الو…. ايوه… د علاء….. نعم….. هيه مواعيد العياددة في رمضان ايه….. اتفضلي يا حاجة… مع السلامة….. ايوه يا د محمود…. نازل مصر امتي ان شاء…. يمكن اكتوبر الجاي ان شاء الله…… لازم اشوفك لما تنزل…. ضروري… وممكن نبقي نعمل لقاء كده مع الزملاء…. يوم في اجازتك…. للاسف مش ح اكون فاضي خالص…. الاجازة قصيرة…. وانا معاي مراتي وبنتي….. والله…. عندك بنت كبيرة…. عندي بتدرس علاقات دولية…. في جامعة كيب تاون.. جنوب افريقيا…. هيه حابه ان تدرس مشاكل افريقيا وتساعد في حلها…. هيه هناك لمدة عامين…. بتعمل ذي مشروع كده… عن مشاكل جنوب السودان مع دول الجوار….. هيه ح تجيء علي مصر في اكتوبر….. نتقابل هناك وبعدان ح ترجع ثاني علي الجامعة…. ما شاء الله… طالعة شاطرة ذي والدها…. طيب ابقي كلمني بقي عنها…. علشان لو عايز عريس من ولادنا في مصر… هما جاهزين….. يسعدني طبعا.. بس هيه معاها الجنسية الكندية…. ومالوا….. يبقي معاها المصرية كمان….. خير ان شاء…. ابقي ابعت لي CV بتاعه ونشوف…… متشكر جدا… كنت وحشني د علاء…. فاكر كل محاضراتك…… واتعلمت منك كثير…. ربنا يوفقك في كندا…… ونتواصل علي طول…. ان شاء الله….خلصت المكالمة… رن جرس الباب… فتحت… البواب… خير يا ابني…. قال لي في ناس منتظرين حضرتك تحت… مين دول يعني… مريض.. طلع العيادة… لاقاها مقفولة…. مش النهاردة الجمعة… قال لي اه… اسالهم…. ممكن يتفضلوا في البيت…. طلعهم يا ابني…. شكلهم من سيناء يا باشا…. انت عرفت ازاى… نمر شمال سيناء…. والمريض كبير في السن… خلاص يا ابني… انا زال لهم… افتكرت اني مش معاي مفتاح العيادة…. في نسخة مع كل سكرتيره… وانا مش معاي…. نزلت رحبت بيهم جدا جدا….. معاهم جواب من جراح كبير في العريش صديقي…. شوفت الحالة في السيارة… راجل كبير وعنده ورم…. شوفت الفحوص واتكلمت معاهم…. الحاىة محتاجة تدخل جراحي عاجل…. طيب يا جماعة…. الوضع واحد اثنين ثلاثة…. نروح الجامعة…. تمام… اهلا وسهلا بيكم…. تخدمنا بقي وتحولنا…. حاضر…. كل اللازم ح يتعمل فورا….. ولسه اعمل اتصالات….. رن التليفون…. الو…. انا الحاج ابو صلاح… خير يا حاجة…. الحاجة حصل لها حاجة…. الحاجة بتصوت… ليه بس… حطت كلور علي المياة الدافية…. حد قالها مطهر كويس…. يا نهار ابيض…. وبعدان… نار يا دكتور…. طيب…. طيب… حاضر….. ح احل موضوع مريض العريش….. واكلمك ثاني علي طول…… ومازالت الاحداث مستمرة…..

ا.د علاء خليل

استاذ جراحة الاورام بطب الزقازيق….

التعليقات مغلقة.