رن التليفون من لحظات…. مكالمة… رقم بدون اسم… غير معروف لي… اول مرة كنت مشغول… دق ثاني ومستمر…. قلت ارد… الو…. دكتور علاء معاي…. صوت حاجة كبيرة من اهلنا في الريف…. اهلا وسهلا يا حاجة… اني الحاجة فاطمة…. فاكرني…. فاكرك يا حاجة طبعا…والحقيقة انا مش فاكر… كل سنة وانتي طيبة…. ربنا يطولنا في عمرك ويخليك لنا…. عاملة ايه يا حاجة…. حلوة يا اخوى الحمد الله… والعملية كويسة خالص…. بادعيلك كل يوم… واي حد محتاج عملية في البلد هنا… بابعتهولك علي طول…. بعتك لك ناس كثير…. حصل يا حاجة فاطمة… وصلوا…. وانت كويس كده….. كويس والله يا حاج فاطمة….. ربنا يعيدو عليك بالخير….. كنت عايزة منك خدمة…. خير يا حاجة….. ربنا يزيدك من نعيمه…. انت عارف انك الدكتور بتاعنا…. طبعا يا حاجة… تحت امرك… كنت عايزة دكتور نسا و ولادة شاطر كده… من عندك…. خير يا حاجة…. موجود… وجاهز… الف سلامة ليك يا حاجة… الله يسلمك يا غالي… بس خلي الموضوع سر بيني وبينك…. تمام يا حاجة…. انا عايزة الموضوع ده ما حدش يعرفه خالص من العيال… حاضر يا حاجة…. شوف يا سيدى…. الحاج اتجوز عروسة جديدة من البلد هنا…. صغيرة في السن…. من شهرين كده…. وقاعدة معانا في البيت… في عيشة لوحدها…. في البيت…. والحاج رايح جاي عليها…. مبروك يا حاجة…. كان نفسه يجوز… قلت له ومالوا…. اتجوز واتبسط…. والحمد الله اتجوز من شهرين…. الخدمة ال اني عايزاها منك… دكتور النسا يكون شاطر ويكتب وصفة للحاج انه ما يخلفشي منها علشان العيال….. انا خايفة لحسن تحبل وتجيب ولد…. يعمل لنا مشكلة… بس انتي عايزة وصفة لها مش الحاج…. اه. اتصرف انت بقي في الموضوع ده….. امانه عليك تخليه سر لحسن الحاج يزعل مني…. وعجل كده…. علشان البت مش بتسيبه…. طول النهار تنادى عليه…. يدخل يغطس كام ساعة كدة وينزل ليه يقولي…. جسمي تعبان يا حاجة….. طولت عليك…. خالص يا حاجة…. انا تحت امرك… حاضر…. ح اشوف الوصفة…. وارد عليكي علي طول….. مع السلامة يا حاجة…. سلمي علي الحاج… حاضر يا اخوى….. ودي كانت نهاية يوم الجمعة…. الله يسامحك يا حاجة فاطمة….
