رجاء من كل مستشفي حكومي او جامعي يعمل روشتات عليها اسم الجامعة و المستشفي لو مش جامعة…. روشتات محترمة تليق بالمكان والاطباء…. احنا في 2021…. والمريض لسة بيروح الاستقبال يكشف…… الدكتور يقطع حتة ورقة ويكتب فيها العلاج…. لا انت عارف التشخيص ايه…. ولا اسم الدكتور ايه… وكثير مش عارف تقراء العلاج…. النواب ليس عليهم ذنب…. مافيش روشتات…. ولا في العيادة الخارجية….. ولا…. في الطواريء…… دى نقطة……. بعت البواب النهاردة يكشف… في احد المستشفيات الحكومية…. تعب…. قلت له اطلع علي هناك…. المكان ممتاذ. ومجاني….. راجع…. بورقة…. مقطعة…. عليها علاج شخبطة…… ينفع كده….دى اساءة للمستشفي والمكان….
النقطة الثانية…. كتبت مرارا وتكرار….. ان المريض وهو داخل العيادة الخرجية من علي الباب…. ياخد ملف…. شنطة بسوستة عليها اسم المستشفي ورقم التليفونات…. والعيادة ال ح يكشف فيها…. كل تخصص لوحده….. بسعر مدعم…. مش عيب… ولا غلط…. بلاش موضوع الشنط البلاستيك السوداء مع المرضي…. كلها كرونا وميكروبات…. والمرضي بتاكل عليه طعمية….. مش حضارية خالص…. شوية نظام… مطلوب من كل مدير مستشفي بكرة الصبح يطلع قرار…. ويجهز الشنط دى…. تتحط مع مكتب التذاكر…. ونسحب الشنطة البلاستيك السوداء دى….. مطلوب جراءة في القرار…. تحت مسمي ملف مريض…. بسعر التكلفة فقط…… نشتغل يا ناس… نفكر…. نطور نفسنا…. لازم كل مدير يقعد يفكر…. يطور ازاي….
احنا بنعمل حاجات كثير حلوة… قوي…. بس للاسف… في حاجات ثانية بسيطة…. بتضيع كل حاجة حلوة…
ا د /. علاء خليل….
استاذ جراحة الاورام بالزقازيق.
