علق رضا عبد العال المدير الفني لفريق طنطا على الهزيمة من الزمالك 1-3، في إطار منافسات الجولة 29 بالدوري الممتاز، وقال”راضي عن أداء الفريق رغم الهزيمة”.
وقال عبد العال في تصريحات بعد المباراة : “لو كارتيرون كان موجود كنت كسبته والله، ما هو شال 6 إمبارح مع التعاون السعودي من الشارقة الإماراتي”.
وأضاف “الحمدلله بشكر لاعبي طنطا، بغض النظر عن النتيجة، وإن الزمالك يكسب طنطا بالشكل ده فده مجهود كبير مني، وعندي غيابات فرقت كتير في منطقة الهجوم، وفرقوا جدا في الأداء”.
وأكد: “كنت هلعب بطريقة تانية يا دوب ٢٥ دقيقة لقيت اللاعيبة وقعت مني معملوش استشفاء، أنا النهارده معملتش حاجة، أنا بتعامل مع اللاعيبة نفسيا، وأنا بعذرهم لأنهم مش قادرين يشيلوا رجليهم”.
وتابع: “في أندية اتظلمت بعد كورونا، زي طنطا والمصري لأن كان عندها أكتر من ١٥ حالة، وفي ٤ لاعبين كان عندهم كورونا من كام يوم ونتيجة المسحة ظهرت النهارده لو كان عندهم أكيد أنا كنت عملت ايه بقى”.