الدكتور علاء خليل… تفاءلوا خيرا بالعام الجديد وأغلقوا دفتر الماضى
الناس من امبارح بتكتب …اللهم اني استودعتك عام مضي ……وطالبين العفو والمغفرة من الله …..
احنا شعب من الشعوب الغلابة ….نسبة الامية عندنا عالية …وكثير من الناس ماشي في الدنيا كده يوم بيوم …غلابة….عايشين عيشة صعبة جدا …..بص علي المستشفيات …ح تلاقي ناس كثير مريضة ….وطول النهار تلف علي العلاج …..ومن مستشفي الي مستشفي…..يعني من الاخر …..ربنا عالم بحالنا ….وحال الناس …بص علي محلات الفول والطعمية……شوف الزحمة ازاي…..شعب عايش ..الجاي علي قد الرايح …هو ستر ربنا بس …انا حاسس ان ربنا ….ح يكرم الشعب ده ….ومافيش ذنوب ان شاء الله ولا حاجة …..ربنا شايف ومطلع …..نبدا بس عام جديد بنية خالصة لله ….نشتغل ونتعب ….ونعاهد ربنا اننا ح نكون احسن من العام الماضي …ونبطل نكذب علي بعض ….ونحب بعض …وقلبنا يكون علي البلد ….. وال معاه…..يساعد ال مش معاه …..ونعمل كشف حساب لنا يوميا ….مش في اخر السنة.
الكل يدخل العام الجديد وهو يأمل ببداية جديدة تحمل له كل ما مختلف وجديد عن العام الذى مر، العام الذى نودعه قد يكون قد حمل الخير والحظ للبعض وقد لا يكون، ولكن وبغض النظر عما حمله، الكل يأمل بغد أفضل.
قد يكون العام الجديد فرصة جيدة لإعادة ترتيب حياتك يومك عاداتك ومن يستحق أن يكون حولك، فتأكد إنك أغلقت الباب جيدا عن كل أمر أحزنك، وتفاءل بالقادم واجعل هذه السنة سنة جميله بروح جديدة وسنة مليئه بالانجازات.
كل عام وانتم طيبين……ربنا غفر لكم ومافيش خفايا ولا حاجة …طول بتصلي وتقول الله اكبر …اطمن خالص …ربنا شايف وانت بتتوضيء من مياه القيد والقنايا والترعة ال جنب ارضك وتقف في الغيط ….لوحدك …وتصلي ..وسط زرعك…خلي بالك زرعك بيكبر وراك….ويسبح معاك … …عايز ايه احسن من كدة….بس نشتغل بقي …ونبدا صفحة جديدة……نخلص ….
