الدكتور علاء خليل استاذ جراحةالاورام جامعة الزقازيق لو كنت ….صاحب قرار في التعليم العالي و الجامعة

اجدها فرصة كبيرة مع دخول الكليات ….سوف يبدا الطلاب ان شاء الله بعد التنسيق في إجراءات الدخول للكليات….نفسي ومني عيني وح اكون شاكر وممنون لحضراتكم….لو وافقتم علي طلبي .

طلبي هو نشتري سيستم طبي باي سعر …ونحطه علي سيرفير الجامعة ….بحيث كل طالب داخل يوقع عليه كشف طبي مظبوط….من قبل اساتذة متخصصون….من جميع الكليات….عارف ان العدد كبير ….مطلوب مجموعة شباب لادخال البيانات…علي السيستم ….ويبقي كل كلية فيها الملفات الطبية لابناءها علي اجهزة الكمبيوتر…..طوال مدة الدراسة …..يتم تسجيل كل احداث الطالب الطبية علي مدار سنوات الدراسة علي البرنامج ….عمل عملية…نكتب….عمل حادثة نكتب…..جه له جلطه في القلب نكتب….هذا النظام ح يتيح لنا متابعة الطلاب من ذوى امراض القلب….الامراض المزمنة….ليه بقي بنقول كده……لاحظنا هذا العام رسائل وفاة طلاب بالكليات….ونكتب ونقول ….وفاة مفاجأة……هيه الحقيقة مش مفاجأة…..دول طلاب كان عندهم مشاكل طبية …ولم تكتشف ….ده تصوري…..ولم تتابع ….طلبه غلابة ….عايزة تتعلم وخلاص …..الملف الطبي الاليكتروني….ده مطلب هام جدا ….ويبقي عندنا قاعدة بيانات لكل الطلاب …..نسمع تاريخه الطبي…..ونسجل بحرفية شديدة……واي وقت يحصل للطالب حاجة…..ح نرجع لملفه الطبي في ثانية….يا سلام بقي ….لو عملنا كرت لكل طالب …عليه رقم ملفه الطبي .. يقدر يفتحه من علي النت علي موقع الجامعة..في اي مكان…لو حصل له حادث في اي مكان ….علي طريق … في محافظة اخري…. تبقي كل حاجة موجودة ….. والله .. رئيس الجامعة ال ح يعمل ده في جامعته …ليدخل التاريخ من اوسع ابوابه …. احنا بتكلم في مئات الالاف من الطلاب…..بس ح نقدر ان شاء الله

…..الله يسامحك يالي….وقفت في طريقي … هو عارف نفسه ….كان زماني بقيت وزير …..واعمل كل ده. و اكثر……بس في امل ….