التخطي إلى المحتوى
فيديو.. أحمد حلمي لطلاب الثانوية العامة: «الامتحانات زي الفسفوسة وهتحلوا لما تبقوا مش خايفين

وجه الفنان أحمد حلمي رسالة إلى طلبة وطالبات الثانوية العامة، قائلًا: «متضيعوش وقتكم في الرعب والخوف ووجع البطن، امتحان الثانوية العامة فسفوسة»، متابعًا: «هتحلوا الامتحانات لما تركزوا إنكم مش خايفين».

وأضاف «حلمي» في مقطع فيديو نشره على صفحته الرسمية على موقع التواصل الاجتماعي «فيسبوك»، مساء السبت، «اعتقد إن مافيش حد يتكلم عن الثانوية العامة أكتر مني لأني خبرة وسقطت فيها ثلاث سنوات»، مشيرًا إلى أنه كان يرسب في امتحانات الثانوية العامة، بسبب تخوفه منها.

واستطرد: «السنة الوحيدة اللي كنت مش خايف فيها، سقطت برضو، لأني كنت خايف وعامل نفسي مش خايف»، متابعًا: «السنة اللي نجحت فيها، هي اللي كنت فيها مش خايف من الامتحانات بجد».

وأوضح أنه كان يقنع نفسه بالتعامل مع امتحانات الثانوية العامة بأنها شيء هين، ولن يقتله، وسيذاكر ويؤدي واجبه ويذهب إلى الامتحانات بذهن صافي دون خوف.

واختتم حديثه: «هتحلوا الامتحان وهتبقوا جامدين وهتجيبوا مجموع وهتدخلوا الكليات اللي نفسكم فيها».

وتبدأ امتحانات الدور الأول لشهادة إتمام الدراسة الثانوية العامة للعام الدراسى 2020/2019 اعتبارًا من يوم غد الأحد الموافق 21 يونيو 2020 وتستمر حتى يوم الثلاثاء 21 يوليو 2020.